Solé (已結業)

星期六同老公黎到Megabox行下，見到有間好別緻既法國餐廳，又唔貴，吸引我地入去食晚餐。我地叫左兩個全日都供應既Executive Set Lunch行政套餐。首先送上餐前麵包，係我鍾意既圓形餐包，貪佢夠鬆軟。是日餐湯係南瓜湯，好大碗，偏向湯水個種，唔係杰身既。沙律幾新鮮。烤法國鴨胸配燒意大利青瓜及紅酒燒汁鴨胸整到好似食緊四五成熟既牛扒口感甘，唔似平時食個種煙鴨胸。炭燒牛側腹扒配沙律及脆薯條跟黑胡椒汁牛扒叫左五成熟，比較薄身，但味道唔錯，伴碟有大量既幼薯，正。法式焦糖燉蛋加左$25要個甜品，細細地，作為飯後甜品甜一甜幾好。飲品加$20要English Breakfast Tea同Latte，前者唔澀，後者都恰到好處。