七月餐室 (已結業)

之前行經九龍灣宏開道附近食肆都係比較舊式，而家開了比較多新的餐廳。呢日lunch 經過呢間「七月餐室」，選擇種類多，一般飯麵餐外，仲有all day breakfast, 啱晒附近上班OL. 見餐牌set lunch 好抵食，而我就點咗呢度招牌嘅咖哩，馬來椰汁咖哩牛腩飯（$68）咖哩濃稠度剛好，配飯吃一流，味道就係帶薑黃香甜而不辣，椰汁味唔會好搶。亦唔會有一層辣油係面，比快餐店的高水準很多，牛筋腩肉質軟嫩，吸收哂咖哩汁精華，啖啖juicy, 牛筋亦爽稔，配菜仲有爽甜薯仔。紅豆冰椰汁比例剛好，唔太甜，主要係紅豆甜味，豆好飽滿大粒，紅豆蓉同水唔會分開，份量都多。而家冰室質素已進化左，價錢仲可以keep 到大眾化，呢間係唔錯嘅選擇。坐位比一般茶記空間感足，唔使坐到好壓迫，整體感覺舒服乾淨，高質茶餐廳之選。