影片
更多
2011-10-17
2925 瀏覽
早幾日前打左黎訂位 唔夠5位要收$50開爐費 自己帶野飲&食每人要比$20 每人$198 經過西貢 再去北潭涌方向 過左烈士碑行前少少就係 有個banner 寫住18E在右邊(對頭車方向) 由銅鑼灣出發只係渣左45分鐘就到老闆話可以泊門口 但其實個所謂門口細得可憐 佢叫我唔好遮住個banner 但係banner隔離又有幾個類似'聖誕樹'的物體擋住 果度又已經泊左兩架車基本上再泊門口就肯定擋住晒人地個入口 所以好多人就甘泊對面行人路算數...... 呢度環境真係不錯 建0係個海上面的 一片片木砌成既 所以由木罅望落去係見倒海架 好特別 分開兩邊 一邊就係對住個海 有幾張好歐陸既檯凳 另一邊就有個大風扇 每檯都有自己的雪櫃 雪櫃隔離就係個西式燒爐 放野食上去燒就ok! 雖然燒野食係應該自己渣住支叉先過癮 但其實燒一兩舊就過癮 成晚渣住支叉對住個爐係甘燒都唔好話唔累.... 0係hk未試過用呢款爐燒 感覺好舒服 你想既就埋去反下野食 玩完喇就埋位睇海景吹下水 好歎一去到個老闆就幫我地起爐 雖然識起爐 但有人幫我起埋都好正 炭任用 之前聽過有人話有d燒烤場用多d炭都要加錢...........
經過西貢 再去北潭涌方向 過左烈士碑行前少少就係 有個banner 寫住18E在右邊(對頭車方向) 由銅鑼灣出發只係渣左45分鐘就到
老闆話可以泊門口 但其實個所謂門口細得可憐 佢叫我唔好遮住個banner 但係banner隔離又有幾個類似'聖誕樹'的物體擋住 果度又已經泊左兩架車
基本上再泊門口就肯定擋住晒人地個入口 所以好多人就甘泊對面行人路算數......
呢度環境真係不錯 建0係個海上面的 一片片木砌成既 所以由木罅望落去係見倒海架 好特別
分開兩邊 一邊就係對住個海 有幾張好歐陸既檯凳 另一邊就有個大風扇 每檯都有自己的雪櫃 雪櫃隔離就係個西式燒爐 放野食上去燒就ok! 雖然燒野食係應該自己渣住支叉先過癮 但其實燒一兩舊就過癮 成晚渣住支叉對住個爐係甘燒都唔好話唔累.... 0係hk未試過用呢款爐燒 感覺好舒服 你想既就埋去反下野食 玩完喇就埋位睇海景吹下水 好歎
一去到個老闆就幫我地起爐 雖然識起爐 但有人幫我起埋都好正 炭任用 之前聽過有人話有d燒烤場用多d炭都要加錢............佢起完爐就放我地d野食去雪櫃度 好衛生 所有類既野食都放落個盤度 仲包張保鮮紙 你自己要燒先由雪櫃拿出 亦都唔需要好似任食果d要行到好遠出去同人搶 d汁仲要滴到周圍都係........ 呢度係每人份量甘執比你 總之所有野都好乾凈 個盤1一滴汁都唔會hi左 絕對放心徒手拿起個盤!
以下野食係每人份量....辣雞翼*2 - 唔食得辣 所以食唔出有0羊味 得個辣字
雞全翼(係咪甘叫?)*1
蒜蓉包*2
翠玉瓜*3 - 估唔到燒左佢係甘好食架wor!
香腸*2
魚蛋,牛丸,墨魚丸*1
腐皮卷*1
煙肉卷車厘茄*3 - 呢個好特別! 一口咬鹹煙肉 第二啖就係甜既車厘茄 呢個combination好得! 好鍾意!
豆卜*3 - 燒完好硬 好似臭豆腐個面甘
鴨胸*3
串燒雞*1
串燒雞軟骨*1
牛扒*1 - 蒜蓉味好勁~~~ 正~~~~ 不過有d un..
大蝦*1
扇貝*1 - 好香蒜蓉~~~ 好正~~~~
鹽焗立魚 - 超滑好有魚味! 鮮!
其實食到一半已經飽 如果食唔曬可以帶走架 下次一定要帶走 今次唔知 徙左d野食 T_T飲品大概$6-8 一罐 拿完同d staff講聲佢地就會計數
廁所出奇地甘乾凈 洗手盤都非常乾凈
都幾多蚊 不過燒野食預左架啦
呢度歡迎動物 燒燒下會有d貓貓狗狗行黎行去
對呢度非常滿意 個景真係好正 可以下奏黎睇埋日落 睇黎好多客都係下奏已經入黎燒 大概8點走人
好多時d人都會去通頂燒野食 不過呢度好似11pm關門 所以贊成早d入黎燒睇埋日落 同埋呢頭唔多旺 夜左要call車
仲有!! 雖然呢度唔大 但唔會迫 就算坐滿晒唔會嘈 可以好靜甘享受下日落食下野甘 真係好歎
食物味道見人見智啦 但唔會係勁落味精總之得個鹹字甘 之前d人寫話佢不中不西 不過我就覺得ok 唔差囉 但唔會係好味到飛起 只能夠講 甘既價錢係buy佢有私人雪櫃 所有野都好乾凈 總好過d平既 但係要同人爭崩頭 又迫又嘈又污糟.....
下次一定會再黎!!
張貼
