石崗咖喱屋

營業中

休息中

食咖哩食咖哩，1支公中午放飯唔知食乜，身邊d朋友又唔多鍾意食咖哩，今日自己1條友就去呢間石崗咖哩屋食啦，之前都食過1至2次，今日再黎回味。中午時段黎唔多人，一入去都有位，店內環境乾淨企理，坐底睇餐牌點左個咖哩牛套餐，套餐有咖哩牛，1份為2既烤麥餅，都幾大塊，1碗飯（係用印度米架），幾正宗，頭盤仲有1碗雞湯同1份小食，跟餐仲有野飲，轉凍飲唔仲唔洗加錢。先試下個雞湯，湯就真係麻麻啦，係用d3色豆加d雞肉去煲，好似有d胡椒味咁啦，飲左半碗無飲了。小食就有1條春卷仔同1個類似炸咖哩蔬菜球咁既不過擺到凍左，熱食會好食d，但始終係跟餐送就唔好有特別期望啦。好啦主菜黎啦，先試個烤餅，都算熱熱地既但未算係新鮮烤出黎果種，都算係烤到底脆面軟，加埋d咖哩汁好正，咖哩唔算辣，bb仔級數，有咖哩味，印度米飯口感幾特別，粒粒分明長條型較為爽口。呢份午餐56蚊食到我好飽好飽，乾淨又衛生呀兄弟們。