靠得住粥麵小館 (MegaBox)

營業中

休息中

出外用膳我好注重衛生同舒適度，因為我好耐未食過油炸鬼，所以今日特別想去粥鋪食嘢。餐牌有好多套餐選擇，可以自由配搭，其實我好多嘢都好想食⋯⋯每枱都會提供一壺蘋果紅茶（每位$4），茶味幾清新，好配合食熱辣辣嘅粥品。我今日叫咗荔灣艇仔粥拼炸油條套餐（$58），油炸鬼好香脆，完全唔肥膩。艇仔粥有好多配料，食到大半碗已經覺得好飽。但係我屋企人口痕，想叫多一客紅油水餃（$22），因為我怕辣，餐廳可以安排汁另上，好貼心。呢間餐廳座位好寬敞，環境乾淨，所以如果下次食粥麵，我都會考慮再嚟呢度。