影片
更多
2010-12-12
18 瀏覽
10-12-2010久聞呢度與新加坡 Chatterbox 的淵源, 朋友又話上兩星期 lunch 試了呢度的海南雞飯覺得「真係好好食」, 是日晚飯帶了我上嚟試試. 2 人約 7:00pm 嚟到, 竟然完全唔使等位, cf. 某星期日 12:30pm 門口超多 10 人的人龍 坐低先嚟一檯一小碟漬番石榴, 食落算爽脆, 不過漬得勁酸, 食了一粒就放棄了.主食當然一人一海南雞飯 ($88), 朋友仲加 $10 轉了雞脾, 整體我覺得唔差, 但好好食就一定唔係; 朋友則食到「媽媽聲」,「上次好食好多囉」, 睇嚟質素幾唔穩定? :-油飯 / 雞汁飯: 唔算好「油」, 不過夠晒香的, 而且食落偏乾身及硬身幾啱我, 都幾好食 -- 雖然尖東嗰間 (http://www.openrice.com/restaurant/commentdetail.htm?commentid=2114577) 的油飯好食過佢好多. 海南雞: 專登要「普通版」(i.e. 雞胸) 睇睇佢的浸雞手勢如何, 雞胸就浸得算滑, 但食落又有點實, 果然係白肉; 雞皮則太厚, 又黐住一舊舊肥油, 食落同「爽滑」2 字完全無關
10-12-2010
久聞呢度與新加坡 Chatterbox 的淵源, 朋友又話上兩星期 lunch 試了呢度的海南雞飯覺得「真係好好食」, 是日晚飯帶了我上嚟試試. 2 人約 7:00pm 嚟到, 竟然完全唔使等位, cf. 某星期日 12:30pm 門口超多 10 人的人龍
坐低先嚟一檯一小碟漬番石榴, 食落算爽脆, 不過漬得勁酸, 食了一粒就放棄了.
主食當然一人一海南雞飯 ($88), 朋友仲加 $10 轉了雞脾, 整體我覺得唔差, 但好好食就一定唔係; 朋友則食到「媽媽聲」,「上次好食好多囉」, 睇嚟質素幾唔穩定? :-
油飯 / 雞汁飯: 唔算好「油」, 不過夠晒香的, 而且食落偏乾身及硬身幾啱我, 都幾好食 -- 雖然尖東嗰間 (http://www.openrice.com/restaurant/commentdetail.htm?commentid=2114577) 的油飯好食過佢好多.
海南雞: 專登要「普通版」(i.e. 雞胸) 睇睇佢的浸雞手勢如何, 雞胸就浸得算滑, 但食落又有點實, 果然係白肉; 雞皮則太厚, 又黐住一舊舊肥油, 食落同「爽滑」2 字完全無關係. 不過朋友的雞脾亦唔好咗去, 雞皮較薄肉又夠滑係真的, 不過 serve 前似乎放得太耐了吧, 雞件竟然幾乾身, 但表層又有一層黐笠笠, 疑似「瓊」了的雞油, 諗返起其實都有點噁心...
旁邊用嚟蘸雞的三色醬就以黑醬油最好食, 杰身度剛好, 味道則夠晒香濃, 鹹 vs 甜比例剛好, 正 酸辣汁就多辣少酸, 不過亦香, 夠晒惹味的; 薑茸亦真材實料, 不過其實有前兩者我已覺得好夠了.
配角清雞湯反而幾討好, 味道清鮮而不寡, 飲完亦無口渴, 不過再熱一點會更好.
菜就係菜心, 份量多, 不過全數硬掘掘凍冰冰又有渣, 都幾難吃.
埋單每人 $100 左右, 有點失望 (朋友直程食到幾乎拍檯!), 應該唔會再來了.
張貼
