影片
更多
2024-07-25
1169 瀏覽
今日放假約咗個朋友去尖沙咀睇叮噹，跟住我哋就喺附近搵好嘢食，喺OpenRice🔁到有間幾靚嘅日本餐廳喺附近，二話不說就去探店喇。呢間日本餐廳嘅內部裝修以黑色為主題，環境寬敞舒適，門口以日式庭園設計，店內嘅氣氛頗有情調。此外店內劃分兩個區域，一邊係食omakase，另一邊係食鐵板燒。餐廳仲有不同大細嘅鐵板燒房可以book，絕對啱晒三五知己嚟食飯聊天。而餐廳另一亮點係有一幅好特別嘅屏幕牆播住色彩繽紛的天燈畫面，客人可以在手寫板上寫上祝福或許願字句，然後在屏幕播放出來。經過店員介紹才知道餐廳最近推出咗omakase 16品晚餐（兩人同行一人免費），即係原本$1380一位，而家係$1380兩位，超級抵，於是我同朋友二話不說就order咗個呢個二人同行，一人免費嘅omakase餐。除此之外，重有餐廳剛出爐嘅免費任飲sake (午市90分鐘、晚市120分鐘）。今次真係可以飲飽食醉。首先師傅為我們預備前菜，前菜有甘筍、牛蒡、日本雞肉同埋唐辛子辣椒絲。整體口感好清甜，能完全打開咗我哋嘅食慾。跟著師傅即席為我準備刺身，包括肉質堅實有彈性嘅日本象拔蚌、味道鮮甜兼入口即溶嘅深海池魚、肉質細緻嘅銀鱈魚、魚脂豐
呢間日本餐廳嘅內部裝修以黑色為主題，環境寬敞舒適，門口以日式庭園設計，店內嘅氣氛頗有情調。此外店內劃分兩個區域，一邊係食omakase，另一邊係食鐵板燒。餐廳仲有不同大細嘅鐵板燒房可以book，絕對啱晒三五知己嚟食飯聊天。而餐廳另一亮點係有一幅好特別嘅屏幕牆播住色彩繽紛的天燈畫面，客人可以在手寫板上寫上祝福或許願字句，然後在屏幕播放出來。
經過店員介紹才知道餐廳最近推出咗omakase 16品晚餐（兩人同行一人免費），即係原本$1380一位，而家係$1380兩位，超級抵，於是我同朋友二話不說就order咗個呢個二人同行，一人免費嘅omakase餐。除此之外，重有餐廳剛出爐嘅免費任飲sake (午市90分鐘、晚市120分鐘）。今次真係可以飲飽食醉。
首先師傅為我們預備前菜，前菜有甘筍、牛蒡、日本雞肉同埋唐辛子辣椒絲。整體口感好清甜，能完全打開咗我哋嘅食慾。
跟著師傅即席為我準備刺身，包括肉質堅實有彈性嘅日本象拔蚌、味道鮮甜兼入口即溶嘅深海池魚、肉質細緻嘅銀鱈魚、魚脂豐富口感肥美嘅大拖羅、同埋味道鮮美嘅海膽。
而壽司方面有五件，分別有立魚壽司上面曬咗些柚子皮更突顯清爽嘅口感、石垣貝壽司充滿彈性而味道清新、口感層次好豐富嘅牡丹蝦壽司配魚子醬、鮮甜肥美嘅左口魚壽司、同埋口感清爽嘅黑鯥魚配蘿蔔蓉酸汁壽司。
另外煮物係黑梅貝炆日本蘿蔔，師傅教我食一舊黑梅貝再配蘿蔔食，可增加味蕾感。黑梅貝肉質飽滿充滿彈性，而日本蘿蔔又好清甜鬆軟，整體味道好醇厚。
而燒物方面就有銀鱈魚西京燒，佢嘅肉質緊實，而且鮮美多汁，同時帶有啲甜味同埋咸味。
手卷方面就有拖羅牛油果手卷，呢個手卷嘅紫菜好鬼脆口，入面嘅拖羅夠晒肥美，而牛油果好軟熟，夾埋一齊食，口感層次更豐富。
吸物就係魚湯烏冬，呢個魚湯好鬼香濃，而烏冬又好彈牙，真係要俾個Like。
甜品就係黑芝麻雪糕，夠晒香滑甜美。
最後清酒🍶我哋兩人大約飲咗1800ml, 清酒入口些微辛辣，但又好清爽，絕對啱女人們飲，因為我哋兩個都未醉😅。
今次真心覺得好鬼抵，兩個傻婆飲飽食醉，埋單都只係$1518咋。
張貼
