寶蓮苑素食 (已結業)

如要企理少少坐低食餐齋的話，中上環選擇不多，呢度算係較有規模的一間。由一個食開齋的朋友帶來，佢話齋期呢度更是一位難求。叫了二人套餐，包粟米粥、齋鹵味同羅漢齋炒麵。粟米粥幾好味，但有味精；齋鹵味都唔錯，雖然多油﹝齋鹵味又點能夠唔多油？﹞，無咩油益味，個人最喜歡將酸齋同齋燒鵝夾在一起吃，如果齋燒鵝新鮮炸起就更正！羅漢齋炒麵個茨汁太勁，唔係太喜歡，但朋友說味道唔差。連加一茶芥貼士一百蚊，好似貴左少少。食完仲要拿拿聱去轉角生果舖飲番兩杯橙汁解渴，我個朋友仲問點解咁口渴，果然係食開齋！