439
14
8
等級4
223
1
二人燭光晚餐齊團年
2019-02-01 1051 瀏覽
仲有幾日就係農曆新年喇,公司嘅週年晚餐已經喺抽到奬金之下得到完美結束,為咗好好咁慰勞自己喺呢一年嘅辛勤工作,我同阿肥講話我哋兩個做節團年要食番餐好嘅!唔需要太高級豪華,只要搵個舒舒服服嘅地方,享受一個晚上就足夠喇。經過我一輪喺open rice度抽絲剝繭,俾我搵到喺尖沙咀亞士厘道有間幾有情調嘅西餐廳,仲介紹話係由五星級酒店廚師主理嘅添~連阿肥都覺得幾吸引,咁就打個電話留位訂座啦。收工出到嚟尖沙咀,時間啱啱好,位置都好方便,呢條街都算係旺中帶靜嘅一處,原來成楝捷利商業大廈大部分都係食肆嚟,真係唔嚟過都唔會知曉,搭𨋢上到八樓,𨋢門一開已經見到餐廳喇,樓上舖嘅好處就係永遠都好有home cafe嘅感覺,唔會擠滿哂人,都巿嘅壓迫感即時一掃而空。呢度望落去職員唔係好多,眼見只係侍應一個,開放式廚房有一個,裡面廚房有一個,跟住都唔再覺眼有其他人喇,所以都估唔到小小嘅餐廳仔menu上面有咁多選擇,除咗有精選晚巿套餐之外,仲有二人套餐咁,套餐唔啱食嘅話散叫亦十分之多菜式,西湯呀...頭盤呀...海鮮類呀...Pasta呀意大利飯呀...扒類主食呀仲有啲小食咁,睇到我都眼花瞭亂,心大心細。大胃王阿肥又睇
更多
仲有幾日就係農曆新年喇,公司嘅週年晚餐已經喺抽到奬金之下得到完美結束,為咗好好咁慰勞自己喺呢一年嘅辛勤工作,我同阿肥講話我哋兩個做節團年要食番餐好嘅!唔需要太高級豪華,只要搵個舒舒服服嘅地方,享受一個晚上就足夠喇。經過我一輪喺open rice度抽絲剝繭,俾我搵到喺尖沙咀亞士厘道有間幾有情調嘅西餐廳,仲介紹話係由五星級酒店廚師主理嘅添~連阿肥都覺得幾吸引,咁就打個電話留位訂座啦。收工出到嚟尖沙咀,時間啱啱好,位置都好方便,呢條街都算係旺中帶靜嘅一處,原來成楝捷利商業大廈大部分都係食肆嚟,真係唔嚟過都唔會知曉,搭𨋢上到八樓,𨋢門一開已經見到餐廳喇,樓上舖嘅好處就係永遠都好有home cafe嘅感覺,唔會擠滿哂人,都巿嘅壓迫感即時一掃而空。
呢度望落去職員唔係好多,眼見只係侍應一個,開放式廚房有一個,裡面廚房有一個,跟住都唔再覺眼有其他人喇,所以都估唔到小小嘅餐廳仔menu上面有咁多選擇,除咗有精選晚巿套餐之外,仲有二人套餐咁,套餐唔啱食嘅話散叫亦十分之多菜式,西湯呀...頭盤呀...海鮮類呀...Pasta呀意大利飯呀...扒類主食呀仲有啲小食咁,睇到我都眼花瞭亂,心大心細。大胃王阿肥又睇中咗人哋啲頭盤小食,所以決定自選散叫,不受規限~
餐前包點
32 瀏覽
0 讚好
0 留言
餐前包點：真係估唔到,我哋冇叫set dinner都會有麵包食
莫非係因為阿肥叫咗個湯(?!)但係呢盤麵包都已經有二人份量喇!仲要有三種款式咁多,法式軟包,香草脆餅條同埋小餐包,每一款都各有味道,麵包非常鬆軟,感覺寧舍高級,除咗牛油之外仲有藍莓果醬,非常貼心。
  AMITIE雜錦凍肉火腿拼盤
$198
44 瀏覽
0 讚好
0 留言
AMITIE雜錦凍肉火腿拼盤($198蚊)：阿肥一見到有呢啲菜式一定心心眼大開,拼盤裡面包括有24個月黑毛豬火腿,莎樂美腸,西班牙辣肉腸,煙三文魚同精選芝士五款食材,單睇擺盤已經十分精緻,一邊角嘅三片煙三文魚捲成花形,而另一角嘅芝士仲伴有三粒紅莓
呢盤嘢對我嚟講我就只係食沙律菜,車厘茄,煙三文魚同埋啲紅莓喇^^啲腸呀火腿呀都係留番俾阿肥消滅啦~見佢食得津津有味,非常滿意咁,佢話呢度有水準呀!
BBQ蜜糖醬燒美國豬仔骨配脆炸蕃薯條
$228
37 瀏覽
0 讚好
0 留言
BBQ蜜糖醬燒美國豬仔骨配脆炸蕃薯條($228蚊)：喺意大利飯同豬仔骨嘅二選一裡面最後我都決定嗌呢款豬仔骨,除咗想試吓佢哋燒得好唔好食之外,最大嘅吸引力就係佢哋有炸蕃薯條而唔係普通嘅薯條
感覺比較健康又冇咁肥咁(XD)雖然備餐大約等咗十五分鐘左右先有得食,不過係值回票價㗎~條豬仔骨好巨型,起碼鋸開都有九條,阿肥切咗我一條去食,淨番嗰啲我用盡畢生嘅力氣都食唔哂...
唔好以為係骨就會冇肉食,切開一條條之後仍然可以啖啖肉,BBQ蜜糖醬味甜甜酸酸咁好開胃,醬汁唔會過多搞到好似好重口味咁恰到好處,燒嘅火喉亦調教得好合適,肉邊微微燒焦香口之餘肉汁有鎖住,夠腍身得嚟一啲都唔乾,所以咁大條骨都唔會令人愈食愈攰又或者滯咗咁嘅感覺,阿肥食過之後都話好味道,如果佢唔係本身已經叫咗咁多嘢自己食,我諗連我食淨嗰兩條仔,佢一定可以掃埋喇~至於配有嘅脆炸蕃薯條,以我估計佢哋用空氣炸機嘅處理手法製作(?!)咁邪惡嘅零食居然一啲都唔油膩,一條條幼身嘅蕃薯條即叫即炸,非常脆卜卜,唯一嘅缺點就係唔夠熱姐,愈食就愈多唔怪得之我食到咁飽喇

龍蝦湯另加酥皮
$98
18 瀏覽
0 讚好
0 留言
龍蝦湯另加酥皮
$98
20 瀏覽
0 讚好
0 留言
龍蝦湯($88蚊),另可加酥皮(+$10蚊)：經常都對自己好啲嘅阿肥,柯打咗個龍蝦湯不特止仲要加埋酥皮先滿足
焗湯製作需時,上菜嘅時間比我份豬仔骨再要長一啲。嚟到嘅時候覺得件事grand咗,有個小蠟燭台盛載住保持熱辣辣嘅溫度,眼見薄薄嘅酥皮金黃色咁帶點油亮,阿肥老實不客氣三四口已經整片吞噬
而我只能夠淺嚐一下龍蝦湯嘅味道,入口質感屬於比較稀,但龍蝦香氣仍然濃郁。
單份size的香煎意大利煙肉、大啡菇芝士牛肉漢堡配炸薯條
$158
29 瀏覽
0 讚好
0 留言
單份size的香煎意大利煙肉、大啡菇芝士牛肉漢堡配炸薯條
$158
15 瀏覽
0 讚好
0 留言
單份size的香煎意大利煙肉、大啡菇芝士牛肉漢堡配炸薯條($158蚊)：
單份嘅burger面積就好似阿肥個頭一樣咁大!!!佢本身仲有雙份size同重量級size,嘩...真係令人難以想像~意大利煙肉好似人哋啲厚切豚肉咁,既肥美又夠油脂,基本上一個正常人一定要將個漢堡包斬件嚟食,並唔係手握就可以放得入口。阿肥話牛肉漢堡非常多汁,配埋水份充足嘅大啡菇夠哂juicy,炸薯條亦都同我啲蕃薯條一樣,即叫即炒,非常新鮮好食。
凍檸檬茶
$24
15 瀏覽
0 讚好
0 留言
凍檸檬茶($24蚊)：本身餐廳都已經有清水供應,我就叫阿肥唔好咁奢侈再單叫嘢飲啦...之但係都去到呢個地步,阿肥話冇理由唔俾埋個happy ending佢喎~廿幾蚊杯凍檸茶,佢竟然同我講好彩有叫到,單係檸檬片已經有六塊之多,仲要因為極之新鮮所以就算連皮都唔會苦澀,另外茶底係靚嘢紅茶,入口香濃絕不嚡口
佩服佩服~
伯爵茶奶凍
$38
14 瀏覽
0 讚好
0 留言
伯爵茶奶凍($38蚊)：阿肥做咗初一,我又點可以唔做十五呢(?!)
我梗係唔執輸,叫番個甜品打開埋我第三個胃~英式花樣碗碟已經好靚好精美,見到都已經好開心
伯爵茶奶凍味道好似極度香濃嘅奶茶味,口感順滑,甜而不漏,隠隠約約口中仲會有一道玫瑰香氣慢慢滲出,絕對可以同名牌甜品店媲美
27 瀏覽
0 讚好
0 留言
25 瀏覽
0 讚好
0 留言
13 瀏覽
0 讚好
0 留言
71 瀏覽
0 讚好
0 留言
21 瀏覽
0 讚好
0 留言
47 瀏覽
0 讚好
0 留言
70 瀏覽
0 讚好
0 留言
14 瀏覽
0 讚好
0 留言
69 瀏覽
0 讚好
0 留言
69 瀏覽
0 讚好
0 留言
84 瀏覽
0 讚好
0 留言
141 瀏覽
0 讚好
0 留言
132 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
張貼
評分
味道
環境
服務
衛生
抵食
用餐日期
2019-01-30
用餐途徑
堂食
人均消費
$409.5 (晚餐)
推介美食
餐前包點
  AMITIE雜錦凍肉火腿拼盤
$ 198
BBQ蜜糖醬燒美國豬仔骨配脆炸蕃薯條
$ 228
龍蝦湯另加酥皮
$ 98
龍蝦湯另加酥皮
$ 98
單份size的香煎意大利煙肉、大啡菇芝士牛肉漢堡配炸薯條
$ 158
單份size的香煎意大利煙肉、大啡菇芝士牛肉漢堡配炸薯條
$ 158
凍檸檬茶
$ 24
伯爵茶奶凍
$ 38