桔梗 (已結業)

今日叫咗個雙人日式套餐。涼拌毛豆+漬物3款先嚟前菜，毛豆有驚喜，平時個啲淨灑鹽，佢就用咗蒜蓉調味，配埋酸酸地嘅漬物，非常開胃。炙烤鮪魚佐芥末蛋黃醬只係炙烤外皮形成焦香，而入面就保持刺身嘅鮮嫩，再加埋芥末蛋黃醬，將日式風味提升一個層次。炸雞配台式五味醬熱辣辣嘅炸雞，炸皮夠香脆，入面嘅雞肉都唔會炸到鞋曬，依然鮮嫩有肉汁。熱炒魷魚拌明太子醬明太子醬同魷魚好夾，如果有魷魚鬚的部位會更好京蔥檸檬味豬腩附送埋蜜糖漿，半肥瘦嘅豬腩肉加咗檸檬嘅酸同蜜糖嘅甜，食落無咁油膩。茶漬飯（明太子、鮭魚）一碗明太子，一碗鮭魚肉，用清淡嘅茶漬飯送上面幾款小菜，可以消滯，不錯嘅平衡。伯爵茶芝士蛋糕侍應哥哥千叮萬囑叫我哋留肚食個甜品，果然無令我哋失望！二人餐來講份量好足，食得好飽！建議小菜提供多幾款選擇比客人揀。