影片
更多
2024-06-27
131 瀏覽
同朋友喺時代廣場睇完戲，一踏出戲院就感受到餓意，同層有幾間餐廳，天氣咁熱想食啲開胃嘅菜式，於是揀咗口味刺激香口嘅韓國菜！呢間餐廳裝修優雅、有時代感又不失韓風，整體光猛舒服。貼牆卡位有一層薄紗遮擋，神秘又特別，絕對係打卡位。侍應送上Menu之後，同朋友就鎖定咗二人餐，因為好肚餓想食好多嘢，而二人餐比起單點實惠好多！結果呢個餐嘅份量係多到可以食飽三至四個人！✔️DATE WITH KOREAN SET$1095▪️APPETIZER韓式前菜落單後，侍應即送上放了8款前菜的兩個長碟，8款前菜有：泡菜、芽菜、豆角、魚仔、蓮藕片、蕎頭、辣椒、蘿蔔粒，全部經醃製，酸酸辣辣，的確開胃！醬油帶子配柴菜帶子大大粒，望落豐盈剔透，被醬油滲透嘅感覺味道豐富，配附嘅紫菜比平時食到嘅更透薄，包住帶子、辣椒、蒜頭食，充滿味道層次。醬油蝦輕輕一剝蝦嘅頭部，蝦膏就漏晒出嚟，蝦身肉厚、晶瑩剔透，咬落勁綿滑、充滿醬油味、涼浸浸，好有口感又有滿足感！▪️MAIN 首爾牛肉鍋侍應照顧周到，端上煱爐和食材後，會喺食客面前邊淋類似壽喜燒嘅甜湯汁、邊翻動牛肉，直至牛肉熟透，會將牛肉疊起，避免過熟。而湯汁會流到鍋邊，淥熟菇菌。牛肉熟度剛好
✔️DATE WITH KOREAN SET$1095
▪️APPETIZER
韓式前菜
落單後，侍應即送上放了8款前菜的兩個長碟，8款前菜有：泡菜、芽菜、豆角、魚仔、蓮藕片、蕎頭、辣椒、蘿蔔粒，全部經醃製，酸酸辣辣，的確開胃！
醬油帶子配柴菜
帶子大大粒，望落豐盈剔透，被醬油滲透嘅感覺味道豐富，配附嘅紫菜比平時食到嘅更透薄，包住帶子、辣椒、蒜頭食，充滿味道層次。
醬油蝦
輕輕一剝蝦嘅頭部，蝦膏就漏晒出嚟，蝦身肉厚、晶瑩剔透，咬落勁綿滑、充滿醬油味、涼浸浸，好有口感又有滿足感！
▪️MAIN
首爾牛肉鍋
侍應照顧周到，端上煱爐和食材後，會喺食客面前邊淋類似壽喜燒嘅甜湯汁、邊翻動牛肉，直至牛肉熟透，會將牛肉疊起，避免過熟。而湯汁會流到鍋邊，淥熟菇菌。牛肉熟度剛好，唔會老，軟腍腍入口。而菇菌沾染甜甜嘅湯汁，熱辣辣淥完放入口，好好味。
辣韓國五花肉
肥瘦相間嘅五花肉感覺Juicy，唔會乾噌噌，醬料畫龍點睛，有少少南乳味，配搭生菜、紫蘇葉一齊食，加添清新感，減少濟膩感。
▪️SNACK
海鮮煎蔥餅
海鮮餅煎得金黃酥脆，賣相幾吸引，皮薄用料豐富，有韭菜、大蔥、魚仔、魷魚、紅椒絲等，沾上醋汁，更加滋味！
首爾蒸餃
呈月牙形嘅餃子好飽滿好大粒，最欣賞係外皮好煙靭，內裏嘅餡料都有醃過，不加醬汁已經好夠味道！
韓式甜辣炸雞
炸雞被濃稠亮澤嘅醬汁包裹住，賣相吸引。韓式甜辣醬汁正宗，炸皮薄雞肉結實，剛炸起上枱即食最好味，真係忍唔住食多咗幾件！
✔️ Cocktail-SEE YOU$108/ THE NIGHT BEGINS$108
食辣嘢，唔係配酒，就係汽水。見到餐廳主打幾款Cocktail，同朋友一人揀咗一款試吓。兩款Cocktail都係以韓國燒酒作為基調，SEE YOU 加入咗番石榴泥、檸檬汁、蘋果梳打，口味酸酸甜甜。而THE NIGHT BEGINS加入了青檸汁、菠蘿汁、蘋果醋，感覺酸得嚟帶點清新！
張貼
