惠 (已結業)

食到一間高質又滿足嘅廚師發板，真係有咩煩惱都可以暫時放低！呢間惠亦都係我同朋友再回頭嘅舖頭之一～呢到由第一款前菜開始已經表現到佢地嘅心機！竟然將海參放入酸甜嘅啫喱入面，配上蒓菜嘅清爽，係一個清新嘅開頭～喺云云咁多款壽司之中白蝦同喜知次真係令我嘩咗出聲，無諗過白蝦可以咁鮮甜軟滑 喜知次加柚子胡椒亦係好有日式風格！刺身方面，師傅好擅長用唔同嘅酸味去提升海產嘅特色～例如係日本馬友配橘子啫喱同沙蝶魚配酸汁，兩碟菜式都係以酸帶出甜，但各有各特色。師傅都有好好講解佢都試咗好次先出到呢個組合，欣賞欣賞！