影片
更多
2011-04-05
641 瀏覽
為了一嚐大排檔風味，經同學介紹，去了荃灣二坡坊的一間飯店食飯，一行十多人，被安排到隔壁空置舖位坐下，雖然不是坐街邊，但個感覺勁似到左九龍城的食肆般。這間舖以賣潮式為名，但也有很多廣東小炒，所以咩都有得食。再者十分經濟，總共叫了十幾個餸，都只係每人一百蚊左右。呢到既鵝腸值得特別推介，用上新鮮有肥膏的鵝腸，現在十間有九間都轉用了急凍鵝腸，沒有了那粉粉的肥膏，失去了原有的甘香口感。潮州食物又怎能少了打冷食物，最初只叫了鹵水拼盤及鵝片，可是味好的關係，再追加了大腸拼墨魚。鵝片肉質嫩滑，大腸鹵得非常入味，墨魚爽脆爽口，靈魂所在正是那鹵水汁，雖然唔係非常出色，可是都有一定的水準。見到有辣酒煮東風螺，可是有朋友唔食得辣，轉了白灼東風螺，味道好鮮甜，但是Size比較細粒，如果可以大粒些就好了。黃金蝦味道唔錯，size適中，唔會過大，但油泡得唔夠脆身，不能連殼一起食用。炸大腸則不過不失，炸得夠乾身脆口，內裡洗得乾淨，沒有異味。椒鹽九肚魚炸得功夫到家，外層鬆化惹味，而內裡軟滑熱辣辣，又不會太咸。煎蠔餅是潮菜名物，味道不錯，略嫌不夠脆身，蛋味不足是因用了雞蛋，而不是鴨蛋，可是蠔仔份量多得驚人，差不多每啖都有
這間舖以賣潮式為名，但也有很多廣東小炒，所以咩都有得食。再者十分經濟，總共叫了十幾個餸，都只係每人一百蚊左右。呢到既鵝腸值得特別推介，用上新鮮有肥膏的鵝腸，現在十間有九間都轉用了急凍鵝腸，沒有了那粉粉的肥膏，失去了原有的甘香口感。
潮州食物又怎能少了打冷食物，最初只叫了鹵水拼盤及鵝片，可是味好的關係，再追加了大腸拼墨魚。鵝片肉質嫩滑，大腸鹵得非常入味，墨魚爽脆爽口，靈魂所在正是那鹵水汁，雖然唔係非常出色，可是都有一定的水準。
見到有辣酒煮東風螺，可是有朋友唔食得辣，轉了白灼東風螺，味道好鮮甜，但是Size比較細粒，如果可以大粒些就好了。
黃金蝦味道唔錯，size適中，唔會過大，但油泡得唔夠脆身，不能連殼一起食用。
炸大腸則不過不失，炸得夠乾身脆口，內裡洗得乾淨，沒有異味。
椒鹽九肚魚炸得功夫到家，外層鬆化惹味，而內裡軟滑熱辣辣，又不會太咸。
煎蠔餅是潮菜名物，味道不錯，略嫌不夠脆身，蛋味不足是因用了雞蛋，而不是鴨蛋，可是蠔仔份量多得驚人，差不多每啖都有蠔仔在內。
另一惹味小菜，鑊仔吊燒汁鱔球真的非常之正，油泡功夫上乖，鱔球脆身，之後再用煲仔配以惹味汁料同炆後，更加入味，而且鱔肉非常新鮮結實，份量亦多。
籠仔荷葉蒸鴛鴦雞，固明思義是用荷葉包著材料放入竹籠來蒸，材料有冬菇、雞、同田雞，蒸出來之後，兩者都是鮮味十足，雞肉可能有少少過火，不是太嫩滑，可是田雞卻剛剛好，極之滑溜，調味得宜，清淡得來又有淡淡既荷葉清香。
絕對推介這兒既豉椒炒鵝腸，用上新鮮鵝腸，每條鵝腸都黏著肥膏，食落有甘白粉粉既感覺，實在難得，而且與豉椒同炒，極之惹味又爽口，食完一條又一條，不能停口。
食左咁多肉，當然要叫蔬菜，叫了一個馬拉盞啫芥蘭和一個手拍蒜蓉炒菜心，先講馬拉盞啫芥蘭，又是一道鑊氣十足，惹味之作，內裡還加有咸肉，好快就俾人消滅了。另一道是菜心，可是這裡落錯單，用上了芥蘭，不過都炒得唔錯，幾爽口又沒有苦澀味。
最後還叫了一大鍋蠔仔肉碎粥，粥底鮮甜，肉碎美味，而且蠔仔也如蠔餅一樣，數量極多。
是晚消費實惠，個個都可以捧著肚子回家，實在是一間唔錯的食店。更多資料：http://hk.myblog.yahoo.com/zysk-c
張貼
