影片
更多
2024-08-24
1815 瀏覽
見今日lunch time有個半鐘，二話不說想食餐好！記得上次去過一間鐵板燒，價錢合理地方好坐，招呼又好好，好啱約個朋友一齊傾吓偈！即刻book位二訪！餐廳地點近利園，裝修好有情調！由日本師傅主理，連食材都係產地直送！飛唔到日本，都食返餐日本嘢！Lunch menu幾相宜，$480唔算好貴！今次再encore!! ►前菜｜季節のサラダ沙律前菜用咗新鮮芒果汁做醬，簡單蕃茄仔粟米生菜。►汁物Soup蟹籽蟹肉茶碗蒸茶碗蒸個底非常嫩滑，仲係即席係鐵板上面蒸，上枱之前再加啲蟹肉！暖暖個胃，準備食正餐！►進肴Entrée｜北海道産ホタテ貝柱のカツレツ奈良漬タルタルソース店員非常好，每一道菜都會介紹，道菜係點整，材料喺邊度嚟，非常貼心！巧妙咁用咗白粟米鬚包住日本北海道嘅帶子煎香，奈良漬配上少少蛋黃他他醬配少少三文魚子，整道菜有唔同嘅層次，講笑同朋友講，自己都要試吓整！►追行Seafood｜本日の魚料理銀鱈魚魚皮脆卜卜！師傅小心咁樣將魚皮拆開，煎到脆卜卜，魚肉嫩滑多汁，魚香味十足！旁邊有自制嘅紫菜汁，鹹鹹香香唔使太多調味►主来Main｜和牛薄燒和牛薄燒，用上A4宮崎和牛，好軟淋肉味濃，加上壽喜燒汁同蛋
餐廳地點近利園，裝修好有情調！由日本師傅主理，連食材都係產地直送！飛唔到日本，都食返餐日本嘢！
Lunch menu幾相宜，$480唔算好貴！今次再encore!!
►前菜｜季節のサラダ
沙律前菜用咗新鮮芒果汁做醬，簡單蕃茄仔粟米生菜。
►汁物Soup
蟹籽蟹肉茶碗蒸
茶碗蒸個底非常嫩滑，仲係即席係鐵板上面蒸，上枱之前再加啲蟹肉！暖暖個胃，準備食正餐！
►進肴Entrée｜北海道産ホタテ貝柱のカツレツ奈良漬タルタルソース
店員非常好，每一道菜都會介紹，道菜係點整，材料喺邊度嚟，非常貼心！
巧妙咁用咗白粟米鬚包住日本北海道嘅帶子煎香，奈良漬配上少少蛋黃他他醬配少少三文魚子，整道菜有唔同嘅層次，講笑同朋友講，自己都要試吓整！
►追行Seafood｜本日の魚料理
銀鱈魚魚皮脆卜卜！師傅小心咁樣將魚皮拆開，煎到脆卜卜，魚肉嫩滑多汁，魚香味十足！旁邊有自制嘅紫菜汁，鹹鹹香香唔使太多調味
►主来Main｜和牛薄燒
和牛薄燒，用上A4宮崎和牛，好軟淋肉味濃，加上壽喜燒汁同蛋黃。好想就咁食碗白飯啊。
►御飯Rice Garlic Rice
►止腕Miso Soup 赤出汁
►香物Pickles
蛋炒飯好乾身好香，用上咗和牛一齊炒，配返個熱辣辣赤味噌湯，完全滿足！
►水菓子Dessert｜Homemade Gelato
餐廳自制嘅gelato，焦糖味，好smooth好香，少少哋一杯，完完全全係加分位！
見到師傅仲準備緊鵝肝，店員話係用嚟整煲仔飯！全間餐廳都勁香，下次想再試吓！
張貼
