麥奀雲吞麵世家 (禮頓道)

營業中

休息中

兩天前，我們一家帶着小朋友，喺銅鑼灣想搵間「快靚正」嘅餐館，便入去麥奀食碗雲吞麵。點了一碗牛腩牛筋麵，牛腩和牛筋水準幾好，滿意，值9 分。另外點了一碟油菜，叫了「全走」，佢就係唔記得全走，加咗蠔油，不過唔緊要，做人唔好咁腌尖…最後，當然有叫咗雲吞麵，麵同湯係OK嘅，起碼啲麵係有彈性，冇乜鹼水味。重點係雲吞：非常、非常重嘅胡椒粉味，比起正常多了最少四至五倍！究竟係錯手落多咗，還是食材唔新鮮用調味料遮蓋住？無論係點，都不合格，非常失望。我希望佢個雲吞只係一時失準。