黔滋味 (已結業)

紅燒牛腩粉 $60 酸辣肥腸粉 $60呢度採用貴州特色米粉，食落相對軟滑，湯底由豬骨同五指毛桃熬制，鮮甜又滋潤。呢度嘅餸唔同連鎖米線鋪，有牛腩肥腸呢啲比較特別嘅餸，牛腩份量好多夠腍又夠入味，肥腸都特別軟滑，連埋湯酸酸辣辣咁食一流。麻辣魷魚 $52小食都好有特色，有坊間少見嘅麻辣魷魚，爽口彈呀，魷魚筒仲可以裝埋麻辣汁一齊食超過癮。涼拌萵筍 $35薄切萵筍食落好爽脆，食落非常開胃。荔枝沙冰 $18 桂圓紅棗茶 $15 荔枝沙冰上菜要即刻飲，因為大杯到滿瀉，用嚟解辣一流。桂圓紅棗亦非常清甜同埋解膩。