影片
更多
2008-07-06
13 瀏覽
師傅好耐都冇同過好友食家"乜都放入窿"食飯喇, 於是乎就相約好友早幾日一同食飯, 順便搵下有咩好野食! 好友食家"乜都放入窿"搵左幾間唔同種類嘅餐廳比師傅揀, 最後師傅覺得呢間食店幾適合, 加上兩個人都未試過, 口碑又幾好, 所以決定黎呢度一試!好友食家"乜都放入窿"一早訂定位, 去到後發覺食店環境比想像中細, 枱真係唔算好多,但感覺真係好似去左歐洲咁, 餐廳播著一d好柔和嘅英文歌, 帶比師傅一種好輕鬆寫意同舒服嘅感覺! 於是坐底後就商量下食d咩好啦, 原來好友食家"乜都放入窿"一早已經訂定raclette cheese - 烤芝士, 再揀左一陣決定柯打一客炸咸豬手同埋兩杯麥啤 - Warsteiner!閒談一陣, 兩杯冰凍嘅麥啤已經放左喺枱上, 碰杯後即刻大啖喝下, 啤酒相當清淡, 一d苦嘅口感都冇, 加上大熱天時飲杯冰凍嘅麥啤, 確實非常解渴降溫, 正呀; 麵包喺西餐廳又點少得, 法包一碟有四片, 近麵包皮嘅部份比較硬身, 而包身都算鬆軟, 加少少牛油都幾好味, 雖然師傅對呢種麵包就麻麻地, 但鍾意麵包嘅人, 一定會覺得好味道! 過多一陣頭盤烤芝士已經擺左喺師傅面前, 賣相都幾吸引
好友食家"乜都放入窿"一早訂定位, 去到後發覺食店環境比想像中細, 枱真係唔算好多,但感覺真係好似去左歐洲咁, 餐廳播著一d好柔和嘅英文歌, 帶比師傅一種好輕鬆寫意同舒服嘅感覺! 於是坐底後就商量下食d咩好啦, 原來好友食家"乜都放入窿"一早已經訂定raclette cheese - 烤芝士, 再揀左一陣決定柯打一客炸咸豬手同埋兩杯麥啤 - Warsteiner!
閒談一陣, 兩杯冰凍嘅麥啤已經放左喺枱上, 碰杯後即刻大啖喝下, 啤酒相當清淡, 一d苦嘅口感都冇, 加上大熱天時飲杯冰凍嘅麥啤, 確實非常解渴降溫, 正呀; 麵包喺西餐廳又點少得, 法包一碟有四片, 近麵包皮嘅部份比較硬身, 而包身都算鬆軟, 加少少牛油都幾好味, 雖然師傅對呢種麵包就麻麻地, 但鍾意麵包嘅人, 一定會覺得好味道!
過多一陣頭盤烤芝士已經擺左喺師傅面前, 賣相都幾吸引, 烤芝士係好香芝士味, 而且烤得好薄, 味道一流, 不過師傅覺得油左少少; 配上薯仔, 薯仔幾滑身, 唔會覺得好滯, 唔錯; 跟住個炸咸豬手就到喇, 豬手係切開一片片, 一件件咁, 完全唔需要同隻豬手角力, 就可以大啖大啖咁食, 炸咸豬手嘅皮炸得非常脆口, 卜卜脆好過癮; 而肉身都幾鬆, 咸就幾咸, 不過又咸得幾好味, 再經好友食家"乜都放入窿"介紹點少少蜜糖芥辣, 香香甜甜更加正!
過左一陣發覺唔係好夠喉, 決定加單要多個炸蘑姑! 炸蘑姑一碟有六隻, 炸得好香好脆, 蘑姑都幾鮮, 仲有裡面一d都唔乾身, 再點少少沙律醬, 都確實惹味!
總括黎講食物質素令人滿意 - 掂; 服務態度親切友善 - 掂; 環境地方柔和舒服 - 掂; 最重要係價錢合理 - 掂; 加埋同好友一齊食飯 - 掂; 所以呢一餐絕對係五掂, 係五個掂而唔係唔掂!
不知不覺同食家"乜都放入窿"食左不差唔多三個鐘嘅晚餐, 良朋美食, 把酒言歡; 天南地北, 無所不談; 師傅就係咁樣渡過左一個歡樂嘅夜晚! 如果喜歡去一間唔係好多人嘅食店, 而又想坐得耐呢, 呢間食店絕對係一個好好嘅選擇, 下次一定會再黎, 笑臉又邊有唔比嘅理由呢?
張貼
