影片
更多
2021-12-08
146 瀏覽
一聽到係五星級酒店總廚主理就即刻好想去試下🤩🤩🤩位置都算容易搵，環境就一般餐廳樣，不過最緊要都係野食，係咪咁講先😛做得依度主打中既主打，當然要有返咁上下，肉方面，有牛展、肥牛、牛根，先講牛展，一早已經聽聞係好花心思既慢煮牛展，果然好鬆軟好入味，同一般刻板印象中既牛展唔到，筷子一夾就散開，相當令人驚艷。牛根同樣出色，亦係入口即化，同牛展唔同，佢仲更加有滷水味，食到深深處會感受到少少甘甘地果種濃郁。肥牛方面，有少少唔明點解會出現係依碗麵入面，個人認為有少少破壞左個平衡，畫蛇添足左，食落只係普通打邊爐肥牛，同碗麵完全唔夾。湯底方面，真心係正既，順口又有濃厚牛味，冇膩感，但就滿足到你食牛肉麵想要果種充斥口中既牛肉味，加上炸豆皮比你吸收所有精華，的確有一手。配料既蘿蔔同樣出色，特別係紅蘿蔔，抵讚！除左肥牛，就係麵條令人有少少失望，其實好多位到已經令人相當驚喜，就係依少少位再完美啲，依碗麵真係會令人一試難忘，麵條太碎，質感似油麵，唔夠掛湯，如果係用薄身麵感覺會差好遠。以安格斯為肉末既燥肉飯，係好食既，雖然味道有啲偏咸，但係醬汁既調味，淋滑既根肉，加上配菜既脆身口感，你係會想一啖接一啖咁食既。不過佢
木玥招牌紅燒牛肉麵
9 瀏覽
0 讚好
0 留言
做得依度主打中既主打，當然要有返咁上下，肉方面，有牛展、肥牛、牛根，先講牛展，一早已經聽聞係好花心思既慢煮牛展，果然好鬆軟好入味，同一般刻板印象中既牛展唔到，筷子一夾就散開，相當令人驚艷。牛根同樣出色，亦係入口即化，同牛展唔同，佢仲更加有滷水味，食到深深處會感受到少少甘甘地果種濃郁。肥牛方面，有少少唔明點解會出現係依碗麵入面，個人認為有少少破壞左個平衡，畫蛇添足左，食落只係普通打邊爐肥牛，同碗麵完全唔夾。湯底方面，真心係正既，順口又有濃厚牛味，冇膩感，但就滿足到你食牛肉麵想要果種充斥口中既牛肉味，加上炸豆皮比你吸收所有精華，的確有一手。配料既蘿蔔同樣出色，特別係紅蘿蔔，抵讚！除左肥牛，就係麵條令人有少少失望，其實好多位到已經令人相當驚喜，就係依少少位再完美啲，依碗麵真係會令人一試難忘，麵條太碎，質感似油麵，唔夠掛湯，如果係用薄身麵感覺會差好遠。
黯然銷魂安格斯滷肉飯
4 瀏覽
0 讚好
0 留言
以安格斯為肉末既燥肉飯，係好食既，雖然味道有啲偏咸，但係醬汁既調味，淋滑既根肉，加上配菜既脆身口感，你係會想一啖接一啖咁食既。不過佢就唔係肉燥飯囉🤔起碼唔係為人熟悉既肉燥飯，可以話係新派料理，但就一定唔係傳統肉燥飯喇。
雙色鹽酥雞
10 瀏覽
0 讚好
0 留言
因為佢既推介嗌左鹽酥雞，一向覺得只係炸雞冇乜值得嗌，得依個炸雞又真係唔錯。其實只係一啲少心思，就真係令件事好唔同。佢都係偏咸既，炸得相當香脆，但雞肉依然保持多汁，雖然係炸雞，但依然食到雞味，明顯唔係冰鮮貨。鹽酥雞有一個問題，就係再好食都會覺得膩，因為食同一個味道太多次，仲要係炸既，佢就好西利咁做左2個味，其實食落好似分別唔大，只係一個咸啲一個冇咁咸，不過中間可以穿插住黎食真係差好遠，唔會咁快味覺疲勞。
蜂蜜冰烤地瓜
5 瀏覽
0 讚好
0 留言
食完正餐就食下甜品，凍既甜烤地瓜，雖然入面已經咁軟身，但依然可以切得咁薄身，令客人食得相當舒服冇負擔感，甜度既控制亦相當不錯，係食完可以再食既味道。
玫瑰可可鮮奶
10 瀏覽
0 讚好
0 留言
可可味同牛奶味互相都唔會太濃，仲飲到淡淡既玫瑰香，雖然飲耐左會有少少甜，但整體都可以接受，唔係一口氣飲晒，一路食飯一路飲係可以既。
白桃桂花烏龍清茶
7 瀏覽
0 讚好
0 留言
如果你係減緊肥，要走甜，依個茶你一定好中意，佢蜜桃味超淡，烏龍味亦唔重，去到最後既回甘先會感覺到個清茶，味道係偏清淡，但茶香依然存在。
抱住一個品嘗五星級料理既心情大慨會有啲細微位置會有少少失望，但唔好忘記，以依個平民價錢，可以食到依個水平既料理，其實已經相當唔錯，當然如果佢連依啲細微位置都可以改善埋，一定可以登上更高寶座。
張貼
