影片
更多
2024-07-29
447 瀏覽
由於午餐想坐得舒服啲，同埋環境靚啲，去左銅鑼灣皇冠假日酒店嘅扒房，主打炭火燒烤，款式好多樣化，因為同朋友一齊嚟，見到3courses 都係$268，價錢好抵，而且仲做緊買三送一優惠，啲菜式都好似幾好，有肉有小食有炸物。前菜有幾款選擇，我就揀左出面都唔係周圍有嘅香煎鴨肝，賣相都好靚，而且比我想像中大份，鴨肝食落去好香脆，油脂感好重，但配埋多士、意大利黑醋、葡萄，一d都唔油膩。跟住就食餐廳出名嘅炭烤岩手縣和牛西冷扒，都係額外收多$98，依款係本月星級牛扒，有清晰花紋，肉裡面有少少紅潤，而且好juicy同埋有肉汁，口感嫩滑，配啤酒脆漿薯條，真係好正，仲要薯條份量唔少，一啖肉再食一啖田園蔬菜，減少口腔油膩感。跟住我最期待嘅甜品黑芝麻布丁，食落去布丁有濃厚芝麻味，好滑身，再配黑芝麻醬，加埋黑芝麻脆片多重口感。而我朋友就揀左前菜原種番茄迷你水牛芝士沙律，新鮮多彩既原種番茄與香滑綿密既迷你水牛芝士相結合，食落去好清新，再配香草、蘋果醋更加開胃。跟住，主菜係烤春雞，成隻手咁大隻，食落去好嫩口，外皮酥脆，然後仲配咗日本迷你甜薯、田園蔬菜提高甜味，平衡膩感。最後就係烤杏桃芝士蛋糕，芝士好濃厚綿密，配上面頭
前菜有幾款選擇，我就揀左出面都唔係周圍有嘅香煎鴨肝，賣相都好靚，而且比我想像中大份，鴨肝食落去好香脆，油脂感好重，但配埋多士、意大利黑醋、葡萄，一d都唔油膩。
跟住就食餐廳出名嘅炭烤岩手縣和牛西冷扒，都係額外收多$98，依款係本月星級牛扒，有清晰花紋，肉裡面有少少紅潤，而且好juicy同埋有肉汁，口感嫩滑，配啤酒脆漿薯條，真係好正，仲要薯條份量唔少，一啖肉再食一啖田園蔬菜，減少口腔油膩感。
跟住我最期待嘅甜品黑芝麻布丁，食落去布丁有濃厚芝麻味，好滑身，再配黑芝麻醬，加埋黑芝麻脆片多重口感。
而我朋友就揀左前菜原種番茄迷你水牛芝士沙律，新鮮多彩既原種番茄與香滑綿密既迷你水牛芝士相結合，食落去好清新，再配香草、蘋果醋更加開胃。跟住，主菜係烤春雞，成隻手咁大隻，食落去好嫩口，外皮酥脆，然後仲配咗日本迷你甜薯、田園蔬菜提高甜味，平衡膩感。最後就係烤杏桃芝士蛋糕，芝士好濃厚綿密，配上面頭既杏桃食落去入口更清新。
0 瀏覽
0 讚好
0 留言
張貼
