影片
港鐵銅鑼灣站 A 出口, 步行約5分鐘
繼續閱讀
電話號碼
59785971
開飯介紹
主打不同地區高質牛肉的炭烤扒房，當中以自家製「美國20日咖啡渣乾式熟成西冷牛扒」最為特別；另亦供應優質豬扒、海鮮、甜品等。
繼續閱讀
營業時間
今日營業
06:30 - 23:00
星期一至日
06:30 - 23:00
公眾假期
06:30 - 23:00
公眾假期前夕
06:30 - 23:00
以上資料只供參考, 請與餐廳確認詳情
有關獎賞計劃
相關文章
🥗CARVER🥩相約好友去咗銅鑼灣嘅CARVER食 lunch，餐廳環境雅致，座位舒適，店員服務有禮，值得推薦！今次叫左Lunch套餐，食到飽飽，好滿足，餐廳仲做緊4人同行1人免費，性價比超高! 🌟Weekday 3 COURSES $268 🌟前菜：🔸芝麻菜沙律 - 帕瑪火腿又香又薄，薄得黎唔會太韌，食得出有心機揀過。原種蕃茄鮮甜味道非常突出，個人喜歡帕馬森芝士唔油膩又唔硬身，好岩配沙律🥗🔸香炸軟殼大蝦 - 大蝦炸得十分香口，有配菜相伴，青檸汁同蛋黃醬配搭為之清新主菜：🔸香烤羊T骨扒 - 配有千層忌廉焗薯，口感豐富，味道好夾羊肉。田園蔬菜配羊扒可以解膩吸油，平衡各方口感，羊扒亦帶有肉汁，烤肉黎講一d都唔乾身，好juicy，香噴噴。🔸醬烤豬肋排 - 肉質軟腍，份量十足👍🏻配以啤酒旋風薯角、烤菠蘿及海鮮醬，味道方面係非常濃郁，賣相亦十分悅目甜品： 🔸熱帶鮮果馬斯卡彭芝士杏仁撻 - 我第一次試芝士和杏仁的組合，外型都好靚！每一口都充滿濃郁的芝士味，配上杏仁的香脆，真係好好味！🔸CARVER 雪糕新地 - 雪糕上有新鮮藍莓，果仁碎同餅乾碎，增添左整個雪糕既口感🍨作為甜品係好圓滿既作結CARVER係銅鑼灣，位置好岩同朋友行完街聚會👍🏻☺️地理位置方便，午飯質素都唔錯，之後又多個選擇！📍Carver銅鑼灣禮頓道8號香港銅鑼灣皇冠假日酒店1樓
繼續閱讀
雖唔唔太就腳但幾鍾意入跑馬地一帶嘅寧靜CARVER 可以話係我幾鍾意嘅酒店扒房記得幾次嚟個手切薯條都係大滿貫忍唔住瘋狂推薦畀身邊朋友「佢個薯條好fit！你要試真係要試！」回頭feedback 大家都讚證明此言非虛我冇吹大今次就想吹奏一下個mashed potato Crazily a devil dish作為個side dish 佢絕對💯搶foc 忍唔到個我清左成盤對面嘅朋友好收歛地食完全唔同我爭變相令我放肆Butter & cream 煮出嚟有啲煙un 口感相信有落埋少少cheese先做到呢個效果Anyway，fat good damn good 食完再減 🔥 🔥另外menu又轉咗新item一心想食Maryland Crab Cake 今次變成Mediterranean seafood cake 一樣都係「thick cut」食到實在嘅海鮮鮮甜味道另一道Grilled portobello salad 酸甜開胃嘅portobello正常發揮 Main course 係USDA Prime Striploin同lamb rack 以酒店級扒房level計兩者都係預期之內嘅發揮唔駛文字表達大家睇圖都知係水準之上Lamb rack 有薄薄一層herb crust 食落多咗份特別嘅香氣亦冇咁膩🍰 Dessert 好fancy 但太full嘅我只能淺嚐個人鍾情酸甜嘅lavender spheresMixed with berries 再加上blueberries ice-cream口感層次豐富至於mocha pillow 就朋友話好食有啲似挺身版本嘅tiramisu 我就覺得偏甜Again全餐飯都冇爭食😋滿足desu！
繼續閱讀
海鮮拼盤幾好食，不過其他嘢就麻麻啦！我哋點咗一個海鮮拼盤同一個晚餐，嚟到塊牛扒睇落好靚、好吸引，不過食落好韌好有咬口，由於係openrice訂枱時已註明係結婚周年紀念，所以餐廳都特意在甜品上寫Happy Anniversary，不過當女職員送上一句”周年快樂”並端上甜品時，個朱古力祝賀牌已經係爛咗同溶化咗，要我哋主動要求職員更換。我覺得尼個食物質素⋯⋯埋單要$17XX感覺不符合酒店的水準，極度失望。
繼續閱讀
聖誕節就到，係時候搵定間靚靚西餐慶祝，今次去左銅鑼灣皇冠假日酒店入面幾出名嘅一間扒房，環境唔錯，好適合節慶💖▪️香煎珍寶帶子煙肉卷 $238Pan-seared Scallop Wrapped with Bacon大大粒煎香至金黃色嘅帶子，外層圍上煙肉片，口感豐富啖啖肉，醬汁以胡蘿蔔茸調配，帶點清甜味▪️炙燒芝麻吞拿魚 $188Pan-seared Tuna Tataki意想不到咁大份，吞拿魚邊位輕輕炙燒過，配以枝豆同甜酸汁，作為開胃菜好適合▪️香烤澳洲無骨鵪鶉 $278Roasted Australian Boneless Quail鵪鶉肉質非常細嫩，外層帶豐富油香，滿滿肉汁。底層為櫻桃蕃茄醬同阿根廷青醬，酸甜解膩▪️美國極佳級炭烤牛柳 $498USDA Prime Tenderloin烤牛柳烹調時間掌握得恰到好處，表層有工整格紋，切開顏色粉嫩，又香又軟嫩，高質✨▪️清炒本菇及秀珍菇 $65Sautéed Shimeji & Oyster Mushroom份量比較多，炒得幾香，濃厚牛油味▪️香烤長柄西蘭花$65Grilled Broccolini西蘭花清新爽脆，時間烤得剛好，唔乾身▪️Banana Tatin $88個人好滿意呢個甜品🥰蘑菇造型，頂層為香橙脆片，中間放上雲呢拿雪糕同焗香蕉，底下放上lotus餅碎同焦糖花生，甜而不膩，全部都好夾▪️Coco Tart $88椰撻作底，上面放上菠蘿同忌廉，旁邊仲有一球青檸雪葩，整體味道清新
繼續閱讀
到訪銅鑼灣皇冠假日酒店西餐廳，享受去個午市套餐，食嘅時候都可以享受到餐廳嘅恬靜氛圍😌同同事每人叫咗一個3-course set ($268)😚前菜係香辣吞拿魚他他配埋細滑嘅紅菜頭蓉同清新嘅苜蓿芽，辣度少少刺激啱啱好，係幾開胃嘅前菜👍🏻主食叫左香炸紐西蘭多利魚漢堡外皮酥脆而裡面嘅魚肉嫩滑多汁，入面仲有脆卜卜嘅洋蔥、芝士同生菜，唔會覺得好膩！旁邊仲有啲炸到金黃酥脆嘅啤酒旋風薯角最後係抹茶提拉米蘇呢款抹茶提拉米蘇用咗好rich嘅馬斯卡邦慕絲、濃郁嘅抹茶糖漿同鬆軟嘅手指餅，甜而不膩，每一啖都好細膩！🍵同事就叫左燒長柄西蘭花沙律雖然望落比較green，配搭起嚟食好fresh好rich！佢話呢道沙律選用新鮮嘅長柄西蘭花，係不敗嘅健康配搭🥗義大利辣香腸通心粉呢款Rigatoni我都偷食咗幾啖，食落冇咁膩亦滋味十足！🍝甜品嘅暖蘋果海綿布甸同事都話好鍾意，酸酸甜甜咁，非常啱嚟緊冬天食嘅甜品🍮味道同擺盤都feel到廚師嘅用心😋
繼續閱讀