東海堂 (已搬遷) 新店位置

同好友慶祝生日，一行四人食完飯係時候食蛋糕，平日多數都係美心或東海堂二揀一，今次就女人知好友鐘意食朱古力就買左呢個五重之朱古力。外層朱古力慕絲已可嚐到用上相當濃郁的朱古力，慕絲十分細滑，之後是朱古力海棉蛋糕及有一層蛋糕比慕絲口感黎得結實的，正當口腔是滿滿的朱古力覺得膩時，又會嚐到底層有朱古力脆脆，一軟一脆的口感，形成對比，很是有趣，反正友人食得開心就對了。