八方雲集鍋貼水餃專門店

營業中

休息中

今日收工一個人 想食下午茶 因為唔算太餓 所以就走咗去八方雲集食餃子 我叫咗招牌餃子同埋泡菜辣味餃子 呢個套餐通常都會跟湯或者豆漿 行埋去收銀處俾錢 可能好少人食餃子個個都食鍋貼 所以都等咗十幾分鐘先有得食 價錢方面本身雙拼套餐係37蚊 但由於我叫咗辣味餃子 要加三蚊 所以呢一個餐係40蚊 加上八方雲集係冇下午茶時段嘅 下午茶嚟講呢個都算幾貴 招牌餃子 味道比較淡 肉多個菜 個感覺好清新 如果嗌鍋貼 應該會好食啲 辣味泡菜餃子 相對肉少啲泡菜多啲 啲餡全部都係紅色嘅泡菜 但就少咗泡菜嗰種酸味 取而代之係辣辣地 同豬肉向未咬落去仲有汁呢個抵讚 豆漿不過不失 味道正常偏淡係我鍾意嘅味道