黔館 (已結業)

我係微辣食品的愛好者，因為辣椒能夠刺激胃口，令食物更加好味，例如廣東的麵食多含梘性。但腸胃脆弱，四川的麻辣一吃，肚胃暢通無阻，萬試萬靈！今晚竟然話要食貴州菜，真係有啲擔心，好彩原來有兩款好啱食啲，味道亦相當好，等我介紹一下。第一款係估佢唔到咁好食啲炸酥肉，以為貴州菜只有酸辣，原來炸嘢都好得，味道酥香不辣，肉件軟熟不靱，係用五花腩肉，只有微麻。第二款係火焰牛肉，好睇好吃，辣椒粉分開上，味道完全唔辣。侍應會在客人面前用火槍點火，以明火做成烤肉啲效果，在圖中牛肉片上面可以見到。牛肉味道反而有多少甜，配埋大量青紅黃椒，似三椒炒牛肉片，調味亦好，合香港人口味，真心推薦。鐘意辣可以蘸辣椒粉，好辣吓仲有啲麻。仲試咗酸魚湯，又係必食啲，魚好滑，湯就辣咗啲，飲唔到。雖然自己食唔到太辣，但菜式特別，揀菜試，值得啲。