慢煮工業 (已結業)

同老公，朋友一行4人嘈喧巴閉去左under vacuum慢煮工業食晚餐。位置雖然唔喺太子嘅核心地段，不過由地鐵站行過去都唔太遠，大約十分鐘就到。餐廳環境同店名好match，帶有工業風格，燈光會較為昏暗，好有情調。四周無論燈飾，牆上嘅擺設同餐具，都好有特色。最鍾意係菜刀餐具，好可愛牛柳扒嘅外層烤出炭燒嘅香味，中間呈粉紅嘅肉色，入口非常幼嫩。細咬幾下，鬆化得黎帶有食牛扒應有嘅口感，肉汁徐徐喺口腔裏面傾瀉。最欣賞嘅地方係，靚牛扒絕對唔需要黑椒汁或蒜蓉汁，只加入些少鹽就已經好足夠，食到牛扒嘅肉味。蒜香芝士排包，聽個名已經好吸引，一上枱香氣誘人，冇諗過排包都整到咁香咁好食，蒜頭加芝士焗到好香脆，有時食到d蒜蓉包硬崩崩，不過換左排包感覺截然不同，陣陣牛油同蒜蓉香味，中間切開佈滿芝士，食落好香，外脆內軟，好味道。法式羊架寶雲酥第一次食法式羊架寶雲酥，塗上芥末醬，然後沾上麵包糠拎去焗，香草和麵包糠嘅香味完美融入羊架，每一啖咬落去都係獨特口感，羊架焗得入味而且好腍，肉嫩有肉汁，會帶微羶味，不過豬覺得羊係要有d羶先好食，如果完全冇羶味就已經唔係羊。慢煮煙肉溫泉蛋薄餅薄餅唔會太油膩，餅底香脆好味，香噴噴又熱