天外天

工作忙碌做到無停手，今日終於可以約埋幾個同事一齊收工去食好嘢！今次選擇咗呢間位於尖沙咀嘅天外天，大家都想好好咁Relax一吓，望住靚景品嚐晚餐💕一開始上左個合桃小食，甜甜地好香脆👍🏻之後上嘅第一道菜係一個黑松露燻蛋🥚黑松露好多，超級濃郁，半熟嘅流心燻蛋，蛋黃汁呈半流質狀態，入口超好食🤤叉燒非常出色！鹹到適中，就算空口食都覺得唔膩唔口乾👍🏻燒肉脂肪非常均勻，食落一啲都唔肥膩☺️之後仲有叫片皮鴨，呢款就不過不失啦！反而個牛柳粒又幾好食喎👍🏻厚得嚟，入口一啲都唔韌！但芝士焗龍蝦就麻麻哋啦😟芝士太多，多得嚟我又唔覺得個芝士味好濃郁，龍蝦肉又少鵝肝好食👍🏻最後食埋個杏仁蛋白糖水，不過都係一般般，蛋白得好少，少到無咁😟擺盤就擺得靚，用嚟打卡呃下like就得😂