影片
更多
2024-10-28
185 瀏覽
第一次喺香港食韓國Fine dining 揀咗呢間OOULI🍽️位置喺銅鑼灣Sugar+嘅23/F 裝修高級有格調 坐窗邊位仲可以望到維港景添🌊今次點咗$1480嘅Oouli 9 courses tasting menu✨ꕥ Oouli Bu Gak前菜有兩款嚟自韓國嘅紫菜🇰🇷我先食咗釜山嘅海苔 用紫蘇油炸過 食落香味特別濃郁 而且好脆 另外係濟州嘅海藻 第一啖已有驚喜 好有鮮味💕醬汁有3款唔同調味嘅芝麻醬ꕥ Jagal-Chi一次過食到3種截然不同嘅刺身 同日式刺身都大不同🥢韓國左口魚比較軟嫩 醬油大蝦口感爽彈 吞拿魚則較為結實 點埋由麵豉醬加韓式辣汁特調嘅醬汁一齊食 開胃惹味ꕥ Deul Kkae-Juk用韓牛/海帶/菇菌等 熬製15小時以上嘅傳統粥 一送到嚟已聞到十分香🤤食落味道都好有層次 另外配咗一片芝麻薄脆 可以放埋落粥一齊食 增加口感之餘 亦多咗陣芝麻香味ꕥ Han-Ip韓國榛子果凍配章魚片 賣相好似花一樣🌼係一道酸酸地嘅冷盤 特登用嚟配返炸豆腐鱈魚子三文治 中和食完炸物嘅膩感ꕥ Bo Yang-Sig韓式蔘雞湯燴飯超有儀式感 送到嚟時職員會即時幫燴飯⚗️其實樽內係蔘酒嚟架 令
位置喺銅鑼灣Sugar+嘅23/F 裝修高級有格調 坐窗邊位仲可以望到維港景添🌊
今次點咗$1480嘅Oouli 9 courses tasting menu✨
ꕥ Oouli Bu Gak
前菜有兩款嚟自韓國嘅紫菜🇰🇷我先食咗釜山嘅海苔 用紫蘇油炸過 食落香味特別濃郁 而且好脆 另外係濟州嘅海藻 第一啖已有驚喜 好有鮮味💕醬汁有3款唔同調味嘅芝麻醬
ꕥ Jagal-Chi
一次過食到3種截然不同嘅刺身 同日式刺身都大不同🥢韓國左口魚比較軟嫩 醬油大蝦口感爽彈 吞拿魚則較為結實 點埋由麵豉醬加韓式辣汁特調嘅醬汁一齊食 開胃惹味
ꕥ Deul Kkae-Juk
用韓牛/海帶/菇菌等 熬製15小時以上嘅傳統粥 一送到嚟已聞到十分香🤤食落味道都好有層次 另外配咗一片芝麻薄脆 可以放埋落粥一齊食 增加口感之餘 亦多咗陣芝麻香味
ꕥ Han-Ip
韓國榛子果凍配章魚片 賣相好似花一樣🌼係一道酸酸地嘅冷盤 特登用嚟配返炸豆腐鱈魚子三文治 中和食完炸物嘅膩感
ꕥ Bo Yang-Sig
韓式蔘雞湯燴飯超有儀式感 送到嚟時職員會即時幫燴飯[噴香水]⚗️其實樽內係蔘酒嚟架 令到整體更香 味道食落都好好味 雞肉嫩滑 飯嘅口感亦啱啱好 唯一可惜係有啲意猶未盡 份量再多少少就好啦😆
ꕥ Jili -Tang
海鮮清湯配釜山鮑魚 綿密嘅泡沫湯 一放入口泡沫就消失轉化成湯 好特別嘅體驗🥄鮑魚鮮嫩 湯入面仲有啲蘿蔔 索晒湯汁又稔又入味
ꕥ Jan Chi
主菜嚟啦🍴我最推介烤韓國頂級1++韓牛 韓牛肉味又香又濃 而且好軟稔 簡單點上燒汁已經好好食🐂
朋友點嘅係36小時慢煮濟州黑毛豬五花 沒有過多調味 可以食到肉嘅鮮味 同樣地點上燒汁包上紫蘇葉一齊食就得 估唔到豬五花食起上嚟都全無油膩感 出色🐖
唔想食肉嘅話 仲有烤釜山鰻魚揀㗎
ꕥ JinSu-Sung Chen
主菜後就係一個湯飯🍚米飯係店主喺釜山自家農田種出嚟嘅珍珠米 口感超好!亦有濃厚米香! 同鰻魚湯加埋一齊做湯飯 充滿鮮味 亦唔會影響米飯嘅口感👍🏻另外仲有5種韓式伴小碟
ꕥ Hu-Sig
甜品係糯米年糕窩夫餅配自製雪糕 大癲‼️窩夫餅質感好煙靭 濃郁糯米香 雪糕香滑 冷熱交融超級正🥹
張貼
