Ocean Bay (已結業)

一排西餐廳唔知食邊間好，見到呢度既 dinner set 啱食又唔貴便試下。龍蝦湯：香濃鮮味，但蒜蓉包太乾身。田園沙律：菜不夠新鮮爽甜。泰式雞翼 : 醃得入味, 肉汁嫩滑, 野味佐酒小食。香煎三文魚扒：魚扒好肥，食到 “流流地”。外皮煎得唔夠香脆，而內里仍未熟，所以食落有點腥腥地。西冷：肉質頗嫩滑，牛肉味香。餐飲既白酒太酸唔好飲。另外，加多一杯 apple cider，甜味偏低，不易入口。雖然食物飲品唔係好正，但感覺仍很好，因為環境氣氛實在太寫意，足以令人沈醉和喜愛。另外發生了件攪笑事：門口既店員叔叔好熱情甘向客人介紹和招待客人入內，但因為沒有配合店內既同事，所以成日俾里面既主管鬧，常見到相方的尷尬場面，呢樣野一定要改善, 係客人面前表現出內部不協調很醜怪的。