京香閣 (已結業)

［北京菜吃到飽］日式放題，火鍋放題食得多，北京菜放題自助餐都係第一次。位於無限極廣場的京香閣，晚市自助餐食足兩個鐘，可以慢慢試曬各款菜式。招牌菜片皮鴨必試，片皮鴨的皮香脆，單獨食或用餅皮包著同樣美味。涼菜，飲品都係放出嚟自己拎，涼菜嘅選擇都幾豐富，我鍾意食烤麩，涼拌茄子，口水雞等，每位成人更奉送1客龍蝦或虎蝦，及蟲草花膠燉湯。主菜，甜品都係任點，主菜我哋叫咗話梅骨，清炒萵筍，糟溜魚片等。甜品都好豐富，有桂花糕，高力豆沙，豆沙鍋餅，酒醋丸子及千層做芒糕。兩個鐘絕對夠時間慢慢一一品嚐，最後個個都食到捧住個肚歸家。