影片
更多
2019-08-16
429 瀏覽
行商場行到攰係時候食飯啦不過星期六、日得嚟消費預咗好多人 YOHO MALL人頭湧湧 我哋都預咗早少少去搵定位～ 前後都等左15分鐘左右先有枱 仲要五個人迫一個卡位(好彩我哋夠瘦姐)唔理啦快快食完快啲走～ 嗱嗱臨叫咗幾樣例牌上海必點小食、小菜。知道佢份量應該唔大 我哋total叫咗九樣：雞絲粉皮份量真係好少 每人夾兩啖就冇了～四川擔擔拉麵擔擔面湯底超香、夠辣！厚身嘅湯掛喺幼細嘅擔擔麵上面 每一啖都有花生香味 相當唔錯！紅油抄手、上海小籠包小籠包一口一隻 但絕對要注意 熱到蕩口嘅湯汁 外皮唔算太薄 但係肉餡好大粒，將功補過抄手正正常常當小食一人一粒都開胃嘅～銀絲卷、蘿蔔絲酥餅香口野邊個唔鍾意啊？特別係炸香咗嘅饅頭卷，沾上香滑嘅煉奶！饅頭卷外皮香脆、饅頭包軟熟個種滋味真係紅燒獅子頭、上海粗炒、干扁四季豆我個人唔係好鍾意食獅子頭覺得佢只係一大舊搓成球體嘅肉餅配上一啲好鹹嘅豉油 我決定不評價干扁四季豆可以話係我嘅最喜愛上海菜之一！可能本人鍾意四季豆嘅口感同甜味 再加埋鹹香嘅欖菜肉碎送飯真係一流～糖醋魚柳賣相已經吸引左先 橙紅色嘅甜酸醬林係炸到脆卜卜嘅魚柳上邊 再配上菠蘿粒、松子仁、五彩椒 又一
YOHO MALL人頭湧湧 我哋都預咗早少少去搵定位～ 前後都等左15分鐘左右先有枱 仲要五個人迫一個卡位(好彩我哋夠瘦姐)
唔理啦快快食完快啲走～ 嗱嗱臨叫咗幾樣例牌上海必點小食、小菜。知道佢份量應該唔大 我哋total叫咗九樣：
雞絲粉皮
份量真係好少 每人夾兩啖就冇了～
四川擔擔拉麵
擔擔面湯底超香、夠辣！厚身嘅湯掛喺幼細嘅擔擔麵上面 每一啖都有花生香味 相當唔錯！
紅油抄手、上海小籠包
小籠包一口一隻 但絕對要注意 熱到蕩口嘅湯汁 外皮唔算太薄 但係肉餡好大粒，將功補過
抄手正正常常當小食一人一粒都開胃嘅～
銀絲卷、蘿蔔絲酥餅
香口野邊個唔鍾意啊？特別係炸香咗嘅饅頭卷，沾上香滑嘅煉奶！饅頭卷外皮香脆、饅頭包軟熟個種滋味真係
紅燒獅子頭、上海粗炒、干扁四季豆
我個人唔係好鍾意食獅子頭覺得佢只係一大舊搓成球體嘅肉餅配上一啲好鹹嘅豉油 我決定不評價
干扁四季豆可以話係我嘅最喜愛上海菜之一！可能本人鍾意四季豆嘅口感同甜味 再加埋鹹香嘅欖菜肉碎送飯真係一流～
糖醋魚柳
賣相已經吸引左先 橙紅色嘅甜酸醬林係炸到脆卜卜嘅魚柳上邊 再配上菠蘿粒、松子仁、五彩椒 又一送飯嘅好選擇！
張貼
