影片
更多
2023-11-12
777 瀏覽
形點這間區outbacks 週末週日經常午餐時間要在門外等好長時間。原因不單止是人多，也是因為人手不足所致。今天星期日11月12號，我們一行二人去到餐廳門口撳飛仔，我攞到58號飛，佢嗌到47號。之後我望入餐廳，發現好多吉位，全部都係枱面是堆積上手客人的碗碟，然後再望餐廳出邊嘅戶外嘅seats，與及吧枱，全部都一樣係上手食客淨落嚟嘅碗碟同埋食物殘渣。根本冇人執枱。我同門口比飛我哋嘅侍應講，我哋想坐出邊，佢話人手不足，出邊未有人執枱，跟住我話我哋等唔到10張飛，你有吧枱俾我哋好嗎？跟住佢話等陣睇吓有冇人得閒執吧枱。因為我好好禮貌，所以佢真係搵個人同我執個巴枱俾我哋坐，唔使我哋排隊。我哋大概用餐接近45分鐘便走，全程餐廳門外都係積滿好多個等嗌飛的人，而餐廳裏頭依然繼續好多未執枱嘅吉位。戶外嘅座位全部都係吉的，但係冇人執枱。人手不足的問題浪費了食客寶貴的時間。佢特登唔請人？定係請唔到人？
張貼