影片
更多
2021-12-18
701 瀏覽
依間叻沙店午飯時間經常見到人龍，中午十二點到已經大排長龍，好彩啲人食完都好快走，所以等咗約15至20分鐘就入得，餐牌食物款式選擇不多，其實都好，主力做果幾樣，精啲，客人又唔洗眼花撩亂，叫了叻沙、蝦麵、咖央多士及金杯，金杯其實係娘惹糕點，有啲紅蘿蔔絲、蝦肉、沙葛、豆腐乾，調味有辣椒醬同醋，食落口感幾特別，建議一口食哂，咁就唔洗成地碎，又可以品嚐到佢真正嘅味道，叻沙湯底濃郁，賣相吸引，咖央多士外型似抹茶三文治雪糕😂，多士即叫即整，脆口，整體來講，好好，會再幫襯，但要注意，果度只收現金.
張貼
