肉肉大米

營業中

休息中

“混搭漢堡套餐”($140)“和牛漢堡排1個 和牛芝士漢堡排1個套餐”($110)“紀州橘子汁100%”($38)最近興起食漢堡嘅風潮挽肉と米喺日本食過香港店就冇咩興趣反而就想試吓呢間肉肉大米😛平日晚市新城市都冇咩邊幾間餐廳要等位肉肉大米就開咗一排都仲人氣滿滿和牛漢堡扒主要有3個口味分別係原味,芝士🧀同期間限定口味今期嘅期間限定就係蘑菇味🍄‍🟫混合漢堡套餐就一次過有齊哂3款口味😋套餐有埋生雞蛋,白飯,蜆肉湯餐廳連用嘅米都有講究係來自日本東北嘅虹煌米,口感比較豐富而白飯,蜆肉湯,配菜西蘭花🥦都係任添😍店員會先輕輕煎熟漢堡扒再將漢堡扒放喺席前嘅鐵板上🔥客人就可以因應自己喜好再煎香芝士漢堡扒就係喺原味上加芝士蘑菇口味就會用隻碗仔裝住蘑菇汁,漢堡扒店員仲會加上大量嘅蘑菇粒😍枱上面仲有好多款調味料搭配好似蒜香辣椒,黃芥末,胡椒鹽等個人就覺得原味加生雞蛋呢個組合係最正🤤漢堡扒夠哂juicy,外焦內嫩,送飯一流😚搞到我都忍唔住食咗2碗飯😝