牛站(駅)麻辣火鍋放題

營業中

休息中

近期天氣涼爽，約朋友火鍋最好，今日來到旺角創興廣場搵食，一入商場電梯直上二樓全層，正是牛站台式火鍋，地方非常大坐位闊落坐得舒適，有期間限定枝竹羊腩鍋即刻點選，朋友就想要香濃蕃茄豬骨鍋，鴛鴦湯加$48-，一人揀一個最好。今次食SRF美國極黑和牛片2號餐，牛肉方面可任食美國極黑和牛片，安格斯牛板腱，封門柳，朋友話牛板腱比較嫩滑最好食，我就鍾意極黑和牛片，牛味香濃有咬口，另外有爽脆墨魚同花膠都幾好食，又有海蝦同帆立貝都好新鮮，熟食方面我最鍾意芝麻雞翼外脆內嫩，燒乳鴿皇媲美酒樓出品。值得一提自助區食物真豐富，多款飲品，熟食小食，甜品雪糕，火鍋配料及蔬菜，全部都好新鮮，重點推介台式肉丸質素好好，比起一般火鍋店味道好得多，經過120分鐘戰鬥食得好飽，贏得一場勝仗。