見見面 (已結業)

🐟九龍城人氣川菜🐟-每次夜晚喱間餐廳都好爆場，睇黎都有返一定水準啦，今次就黎試試佢既烤魚！要左最貴既桂花魚($428/全條)，揀左中辣既泡椒，條魚烤到帶少少金黃色，上枱時未熟曬，煮多一陣入味啲先好食！食落泡椒味唔係太重，中辣都夠惹味，係有後勁既辣😋，湯底唔會過鹹唔會太淡，桂花魚幾乎冇骨，所以食得好爽，肉質係比較厚實既，啖啖肉！-個煲好大，所以好夠湯，食到尾都冇乾水，好適合瘋狂加料加邊爐，配料價位都唔算貴，除左魚煲外仲有好多川式小菜可以揀，又係一個食辣野既好去處😎。