利星火鍋海鮮小炒

營業中

休息中

位於深水埗、人氣非常旺盛的港式小菜館，一枱又一枱的客人嚟呢度聚會，食海鮮、小炒、飲啤酒，熱鬧非常～ 是日孖寶 ($388)：📍清蒸沙巴魚 — 目測有一斤半，蒸得剛剛好，魚肉肉質彈牙，食得出係新鮮，最鍾意有大量薑蔥💚，絕對冇失望嘅空間📍飛天芥蘭煲 — 當見到店員一手拎住碟菜，一手拎住個大鐵煲，就知道要上演一場“啫啫煲”，嗰種鑊氣完全將蝦醬嘅味道帶咗出嚟，除咗芥蘭，仲有大蝦乾和原隻蝦，簡單一個菜煲都好好食📍馳名鎮江骨 （$188)店方Menu寫着「腩排秘方醃過，泡油再以上等鎮江醋、冰糖等烹煮，醬汁包在腩排的外層，酸甜而香口」，都真係嘅！個味道甜甜酸酸，下酒一流，不過略嫌肉質稍微硬了一點