影片
更多
2022-08-19
205 瀏覽
星期日去咗觀塘行街，喺裕民坊商場電梯口有間幾靚仔嘅餅店🥖，睇真啲原來係美心，不過係進化版嘅「美心烘焙所」。除咗個名唔同之外，佢所賣嘅產品仲多元化好多，包括有近期人氣好高嘅包點：布甸包、芝士撻同麻糬包等等👍。觀塘呢間分店更設有少量堂食座位添。法式布甸麵包($15)，布甸包貴為炙手可熱嘅潮物🔥，每日出爐時間為中午12點同下午3點，基本上出爐一個鐘內就賣晒，限量供應！我買咗兩個布甸包🍮，咁就可以試晒冷熱兩種食法。雪凍食的話，好有甜品嘅感覺，布甸口感細緻幼滑，散發出蛋香，味道唔太甜🥚。估唔到嘅係法包凍食都唔硬喎，帶少少煙韌。第二個包我拎咗去氣炸，麵包殼變得微脆，呈現另一番風味，而熱咗嘅布甸就令我聯想起蛋撻。一款包有多種食法，好得意😛。沙翁($13)及軟心芝士撻($15)，🥠雖然沙翁無大澳嗰個咁好食，但都唔差，外層蘸滿砂糖，內裡空氣感十足。🧀芝士撻好吸引，用軟芝士製成塔頂，帶微微焦看，食落唔覺膩，撻皮亦算鬆脆。楓糖椰檳($18)，🥥椰檳好抵食，因為超巨型，係糧尾首選。麵包自身夠鬆軟，就算唔翻熱食都OK；而入面充滿椰絲，並塗上楓糖，食落甜絲絲。杏仁牛角酥($14)，🥐牛角酥有分原味同杏仁兩款，不過
星期日去咗觀塘行街，喺裕民坊商場電梯口有間幾靚仔嘅餅店🥖，睇真啲原來係美心，不過係進化版嘅「美心烘焙所」。
除咗個名唔同之外，佢所賣嘅產品仲多元化好多，包括有近期人氣好高嘅包點：布甸包、芝士撻同麻糬包等等👍。觀塘呢間分店更設有少量堂食座位添。
法式布甸麵包($15)，布甸包貴為炙手可熱嘅潮物🔥，每日出爐時間為中午12點同下午3點，基本上出爐一個鐘內就賣晒，限量供應！
法式布甸麵包
$15
33 瀏覽
0 讚好
0 留言
軟心芝士撻
$15
38 瀏覽
0 讚好
0 留言
楓糖椰檳
$18
25 瀏覽
0 讚好
0 留言
杏仁牛角酥($14)，🥐牛角酥有分原味同杏仁兩款，不過主要分別應該係加咗啲杏仁同糖霜，但我就覺得唔算好特別。幸好牛角包原體整得幾好，富牛油香，同埋質感唔太濕。
菠蘿麻糬包($20/2個)，有原味同朱古力味，但後者朱古力味無想像中濃郁。麻糬包具層次感，🍍面層係菠蘿包脆皮，入面就有軟糯麻糬。只可惜麵包比較的骰，每種口感均未算深刻，價錢亦稍貴。
總括嚟講，美心與時並進，推出各款新式流行麵包，質素不俗，可算係一改以往刻板印象👍。布甸包值得一試，親民大眾化，而且佢唔似某啲小店咁吊高嚟賣，問店員賣晒未時，畀人串無預訂同攞籌點會有。
張貼
