古今二 (荃灣千色匯I) (已結業)

日式麻醬豆腐沙律滑嘟嘟又好香豆味既豆腐配上日式麻醬，呢個組合非常夾，沙津菜新鮮爽脆～金龍卷聽聞呢間餐廳好出名卷物，呢款金龍卷由三文魚、炸蝦、芝士捲成，賣相吸引，卷物表面吱左少少辣既沙津醬，味道咬落少少脆口，幾有層次～雜錦天婦羅炸粉好酥好脆，有蝦天婦羅、包左魚肉既秋葵天婦羅，紫蕃薯仔天婦羅，上枱時熱辣辣出哂煙，份量好足～～吉列廣島蠔(4隻）廣島蠔咬落無腥味，同樣都係炸到金黃色，咬落好脆口，唔錯唔錯！