APT. Leisure (Pasta & Wine) (已結業)

去到西環區，當然要去特色Cafe搵食啦！今次去咗新開嘅APT. Leisure Store，見到佢可以自選意粉/三文治/墨西哥夾餅/乳酪配料，仲有多種口味選擇，如果鍾意自選專屬個人口味美食就唔好錯過啦！自選意粉今次揀咗扁意粉配搭一款醬汁加兩款配料，番紅花忌廉醬汁唔會太過油膩，番紅花口味特別，配料選擇咗雜菌同鮮蝦，份量一個女生啱啱好。自選乳酪乳酪份量略嫌少，不過原味乳酪唔會太酸，味道濃郁，配搭清甜水果，Keep Fit必食！熱朱古力加埋棉花糖有驚喜，口感綿密細滑，甜度適中。