榮記粉麵

營業中

休息中

今日諗住去銅鑼灣食榮記車仔麵，點知好多人係出面排緊隊，天氣又凍又大風，真係唔想排，唯有打消堂食諗頭，買外賣返公司食。叫咗個大雜米粉，有豬紅，豬皮，牛肚，蘿蔔，牛丸同魚旦六款餸，好豐富。最鍾意食佢地嘅豬紅，好滑好好味。牛肚都好淋好入味。豬皮更加吾駛講，吸晒d腩汁湯，點會吾好食，其實我平時唔係好食豬皮，但我都覺得佢好正。蘿蔔好甜又無渣，同車仔麵真係好夾。牛丸同魚旦就無太特別，不過口感都幾好。可能好耐無食過，食完真係覺得佢好正，唔怪得佢任何時間都排晒長龍。