餃掂手工餃子雲吞專門店

朋友帶我嚟食餃子🥟話呢間係食餃子必食嘅地方🤭原來呢間人氣餃子店喺香港有幾間分店，港九新界都有㗎！🤩呢度主打手工餃子，每日新鮮製作，食物選擇多，可以揀煎餃、湯餃、雙拼餃、點樣拼都得🤣味道真心好食，價錢又親民，CP值高❤️呢度煎餃超好食！😋皮脆而且好香！叫咗韭菜餃，我亦都非常推薦大家食，韭菜味超級香😍湯餃都唔錯，叫咗白菜豬肉餃，超級清甜、肉味唔會太鹹，所以啱啱好👍🏻再叫咗一個麻辣小雲吞，細細粒好易入口，而且味道啱啱好，唔會話太過辣😆小食方面，我哋叫咗蒜蓉拍青瓜，同埋原味皮蛋。拍青瓜比較清淡，因為係蒜蓉味，係冇辣味嘅。反而個皮蛋有啲驚喜😳我平時好少食，佢個樣好得意、係透明嘅，而且係冇平時食皮蛋嗰種”押”味，亦好彈口😛整體嚟講呢間一定會再嚟食，亦都好推薦俾大家❤️