影片
更多
2021-12-31
47 瀏覽
Pizza Maru (旺角)旺角亞皆老街8號朗豪坊4樓3號舖今日一家大細行開旺角女人街，正值晚飯時段覺得肚餓，亞仔就提議嚟呢一間Pizza店。👉🏻薯角炭燒烤雞芝加哥薄餅啊仔話芝加哥薄餅係呢一間餐廳必食必點，咁就梗係要叫返兩個。炭燒雞肉細細件好易咬，醬汁味道好香，口感鬆軟，而且批邊並唔乾身。👉🏻泡菜海灣芝加哥文姐我就覺得呢一款更加出色，配料相對地豐富，蝦仁彈牙，加入一條條蟹柳同蛋黃醬，真係食到齒頰留香。食之前記住要預備定手機，影低拉絲嘅嗰一下，另外芝加哥薄餅特別加上左杏仁，糖霜喺邊位，食落又帶少少甜，幾特別。👉🏻Maru紫蘇炸魷魚鬚一上枱見到份量都幾大碟，一圈圈嘅魷魚用添加咗紫蘇葉嘅炸粉包裹著，咬落唔會好厚粉，薄薄一層唔吸油，但又夠脆身。另外，碟旁仲配搭唔少椰菜絲同埋洋蔥醬，等客人可以自行配搭解膩同埋增添別種風味。👉🏻帶子泡菜卡邦尼意粉帶有忌廉creamy口感，泡菜微小嘅香辣混入落意粉當中，原來都幾夾。意粉口感唔會太硬，帶子煎得香口，仲足足有三大隻添。👉🏻蜂蜜牛油炸雞黎到韓國餐廳點可以唔叫返份炸雞呢，店舖嘅炸雞口味有好多，蒜香甜辣、芝士、牛骨汁等等，但係亞仔特別想試蜂蜜牛油。炸雞非常香
旺角亞皆老街8號朗豪坊4樓3號舖
今日一家大細行開旺角女人街，正值晚飯時段覺得肚餓，亞仔就提議嚟呢一間Pizza店。
👉🏻薯角炭燒烤雞芝加哥薄餅
啊仔話芝加哥薄餅係呢一間餐廳必食必點，咁就梗係要叫返兩個。炭燒雞肉細細件好易咬，醬汁味道好香，口感鬆軟，而且批邊並唔乾身。
👉🏻泡菜海灣芝加哥
文姐我就覺得呢一款更加出色，配料相對地豐富，蝦仁彈牙，加入一條條蟹柳同蛋黃醬，真係食到齒頰留香。食之前記住要預備定手機，影低拉絲嘅嗰一下，另外芝加哥薄餅特別加上左杏仁，糖霜喺邊位，食落又帶少少甜，幾特別。
👉🏻Maru紫蘇炸魷魚鬚
一上枱見到份量都幾大碟，一圈圈嘅魷魚用添加咗紫蘇葉嘅炸粉包裹著，咬落唔會好厚粉，薄薄一層唔吸油，但又夠脆身。另外，碟旁仲配搭唔少椰菜絲同埋洋蔥醬，等客人可以自行配搭解膩同埋增添別種風味。
👉🏻帶子泡菜卡邦尼
意粉帶有忌廉creamy口感，泡菜微小嘅香辣混入落意粉當中，原來都幾夾。意粉口感唔會太硬，帶子煎得香口，仲足足有三大隻添。
👉🏻蜂蜜牛油炸雞
黎到韓國餐廳點可以唔叫返份炸雞呢，店舖嘅炸雞口味有好多，蒜香甜辣、芝士、牛骨汁等等，但係亞仔特別想試蜂蜜牛油。炸雞非常香口，炸得熱辣辣上枱，食完都唔覺得特別熱氣。
👉🏻蒜香甜辣炸雞
難得嚟到韓國餐廳當然試多款唔同味嘅雞，個人偏好鍾意食蒜味，見餐單有款幾特別，就決定揀佢。超香嘅蒜蓉味，配上甜甜地嘅醬汁，辣度唔算太勁，大人細路都啱食。整體雞肉都唔算太鞋，啖啖肉，幾好！
👉🏻飲品
以下系餐牌，都俾大家參考一下。
張貼
