那杯早餐紅茶 (已搬遷) 新店位置

我對嘢飲要求好低，珍珠唔使好有咬口，奶茶唔使好濃茶味，正常就得，但呢間野我買咗兩次都勁難飲。「極品」，常人真係欣賞唔黎。第一次飲係仕女伯爵波霸鮮奶茶（推薦單品）第二次飲係普通珍奶。試完後我有以下三點感想：第一，奶茶有陣怪味，似係牛雜味（隔離係牛雜舖）懷疑係擺太耐溝咗味，真係好好好好好反胃。第二，啲珍珠浸到變糊狀，一啲咬口都無，應該係朝早備完料就用足成日，或者根本係煮太耐。第三，店員態度極差。明明我買嗰時都冇其他客，但等咗好耐一段時間，我費事企喺度等，就去附近買咗其他嘢先，點知返到嚟發現仲未有，店員喺內廚度hea緊。今日我屋企人路過見佢新開就買咗黎試（係我衰，唔記得同佢哋講🥲）佢買嗰陣手上揸住好多嘢，冇手攞兩杯珍奶，但個店員顧住同frd傾偈，完全無理到佢，唔俾袋要自己手提。我呢兩次都淨係試咗珍奶，所以唔排除佢其他嘢（英式茶）做得好，但一間有賣台式飲料嘅鋪頭，連最基本嘅珍奶都咁難飲，自己嘅推薦產品都做得唔好，咁恕我好難對呢間店嘅其他產品產生期待。黃店唔係免死金牌😇你黃唔代表就會個個都肯無條件撐你，俾少少心做啦🤏唔係就等執。