影片
更多
2021-07-19
996 瀏覽
悶悶地想食一餐有質素嘅阿媽家姐，呢一間性價比真係10分高，對於阿媽家姐來講價錢一定唔會平得去邊，但質素高真係好難搵。呢間餐廳位於銅鑼灣希雲街，個門口神秘得來又隱蔽，但係一打開門就已經係另一個世界。餐廳有我媽加些同鐵板燒食，好彩有book位，去到已經坐到滿晒啦，師傅當然好細心咁樣問我地有乜嘢唔識，咁啱我真係唔食拖羅嘅，我知我怪㗎啦，師傅話會準備其他嘢俾我食，就真係要拭目以待啦。前菜幾得意呢個係風味茄子，跟住就係明太子尤魚，明太子既鮮配尤魚既甜。另一道係梳子魚，原來係時令野，師傅將個魚火炙，更突出魚嘅魚味。蟹鉗配蟹肉蟹膏，呢一個又係心思位，蟹鉗首先係啖啖肉，跟住撈埋香濃嘅蟹膏一齊食，係另一個層次嘅食法。食咗兩度海鮮之後，師傅又安排我哋食北海道白粟米清清個嘴，北海道白粟米10分清甜，而且爽脆，係一個好新鮮嘅食法。重頭戲一步一步咁嚟，因為我唔食拖羅嘅關係，師傅話幫我將個拖羅火炙佢，呢個食法真係第一次，而且魚油嘅油脂經火炙之後仲要更加突出，食過咁多間都係第一次有師傅咁樣安排俾我，真係10分滿意。另外沙甸魚卷又係另一個驚喜作，沙甸魚又係今日啱啱先到即開，配埋少少柚子皮落去頂住一齊食，唔腥之餘仲好好
另一道係梳子魚，原來係時令野，師傅將個魚火炙，更突出魚嘅魚味。蟹鉗配蟹肉蟹膏，呢一個又係心思位，蟹鉗首先係啖啖肉，跟住撈埋香濃嘅蟹膏一齊食，係另一個層次嘅食法。食咗兩度海鮮之後，師傅又安排我哋食北海道白粟米清清個嘴，北海道白粟米10分清甜，而且爽脆，係一個好新鮮嘅食法。重頭戲一步一步咁嚟，因為我唔食拖羅嘅關係，師傅話幫我將個拖羅火炙佢，呢個食法真係第一次，而且魚油嘅油脂經火炙之後仲要更加突出，食過咁多間都係第一次有師傅咁樣安排俾我，真係10分滿意。另外沙甸魚卷又係另一個驚喜作，沙甸魚又係今日啱啱先到即開，配埋少少柚子皮落去頂住一齊食，唔腥之餘仲好好食。中間仲有個熱食添，熱食係麵豉醬蝦膏撈落啲魔芋度，隻蝦原來先係配角，因為個醬汁撈落個魔芋度係十分之夾。跟住重頭戲就嚟啦，有八件壽司，左口魚壽司，唔似平時咁油膩，而且呢一個10分爽口。平靜魚呢就真係高級食材，師傅仲要用煙薰咗好耐，成個口都係煙燻加埋魚香，呢個真係要特別推。池魚壽司 ，上邊配少少日本蔥加埋薑，爽甜滑樓。吞拿魚漬壽司，當然相比起拖羅冇咁油膩，係另一份清甜感。另一個賞心悅目嘅就係師傅職場有一隻活蝦製作左一個海若俾我哋，蝦肉鮮甜，而蝦頭伸即埸拎咗去炸仲可以食埋添。食完咁多件壽司，仲安排埋甜品同雞蛋糕俾我哋，最尾係有一碗魚骨熬製嘅湯，真係一個好美滿嘅旅程。
張貼
