山

營業中

休息中

我一向都對Omakase冇話特別有興趣，因為我既另一半唔識欣賞日本菜，所以就一路都冇機會試，今日有朋友約我去食omakase lunch, 飛雲~機會黎喇！一去到覺得裝修好舒服，好乾淨企理，連餐具，杯，都有如店名 - 山既裝飾元素。有唔同主題既menu，可以因應自己既budget 同喜好選擇。每樣食物味道都好好，又多花臣野，打卡一流，但都有蝦碌野，個雞肉本身係個好大既盅，職員叫我地提電話準備影片，打開之後，本身應該係有D少少既煙，但完全睇唔到，笑左。每一道菜職員都用心講解，不過食完我就真係唔記得曬。服務亦好好，我地嗌左枝梅酒，諗住自己添酒啦，兩個侍應衝埋嚟幫我由於我係甜品控，不得不提個拿破崙蛋糕真係好好味，為呢個午餐畫上個完美句號。絕對會再encore，值得推介。