影片
更多
2016-04-20
2797 瀏覽
早一排係facebook 睇到一個post，列出左「香港十大最好味米線鋪」，入面講到：－ 如果未食過呢間嘅米線，就唔好同人講自己食過最好味嘅米線！－ 呢間米線原來唔只係「全港最好食」，更加係「全宇宙最好食」就我黎講，post 入面有提過既另外 9 間我都有食過，唯獨是第 1 名既呢個，所謂「全宇宙最好食」既，我反而就未試過，於是就搵左對上個星期六去試下。由於我係衝著「全宇宙最好食」呢個朵而黎，所以係我講食評之前我要澄清返一樣野，當然，就係「全宇宙最好食」呢個名既「由來」，呢個名只係由文章作者"聲稱"係由網民一齊選出，換言之即係由作者 / 第三者們所導出，並不是由「店家」自己話自己係，所以以下我俾既評價係唔會有任何情感上既分數。Openrice 呢個食評制度我覺得幾無謂，佢分做「味道」「環境」「服務」「衛生」「抵食」，在於我本人黎講，我只會著重「味道」，在此之外，一切都係冇意思。我唔介意「用天價係大排檔俾班伙記插住咁食一餐正到無倫既美味」，但我不能接受「用超抵價係服務極好既五星級餐廳食一餐垃圾」，所以以下，甚至將來，我所寫既所有食評都只會評價其「味道」，咁樣對所有唔同級數、pricing
入面講到：
－ 如果未食過呢間嘅米線，就唔好同人講自己食過最好味嘅米線！
－ 呢間米線原來唔只係「全港最好食」，更加係「全宇宙最好食」
就我黎講，post 入面有提過既另外 9 間我都有食過，唯獨是第 1 名既呢個，
所謂「全宇宙最好食」既，我反而就未試過，於是就搵左對上個星期六去試下。
由於我係衝著「全宇宙最好食」呢個朵而黎，所以係我講食評之前我要澄清返一樣野，
當然，就係「全宇宙最好食」呢個名既「由來」，
呢個名只係由文章作者"聲稱"係由網民一齊選出，換言之即係由作者 / 第三者們所導出，
並不是由「店家」自己話自己係，所以以下我俾既評價係唔會有任何情感上既分數。
Openrice 呢個食評制度我覺得幾無謂，佢分做「味道」「環境」「服務」「衛生」「抵食」，
在於我本人黎講，我只會著重「味道」，在此之外，一切都係冇意思。
我唔介意「用天價係大排檔俾班伙記插住咁食一餐正到無倫既美味」，
但我不能接受「用超抵價係服務極好既五星級餐廳食一餐垃圾」，
所以以下，甚至將來，我所寫既所有食評都只會評價其「味道」，
咁樣對所有唔同級數、pricing、服務既「食物」都可以apple to apple 咁比較，
能夠有一致性既標準，三字記之曰 － 「好味道」
開始，小弟平時一日三餐都可以食湯粉類，對於大陸式既湯粉更加著迷，
而米線，就由十多年前，長沙灣第一間麻辣米線就開始食，
甚至去過湖南長沙等地去試真正既「麻辣粉」、「辣魚粉」，
係香港每逢發現新既米線鋪，都一定會狗衝去試，所以在於「辣湯粉」既角度，
我覺得自己應該都有「少少」資格去評價呢間米線，
至於點解我打咁多廢話都仲未開始？
因為我見到好多「好評」都話自己食呢間野由細食到大，
我唔想用三言兩語就推翻一班「由細食到大」既網友的童年，
所以會解釋較多，下面黎料。
只談味道：
酸夠、麻夠、辣夠，只係「夠」，絕不是好，
因為三種原素中「並無」結合到一種最重要者 － 「味」
因為酸、麻和辣三者係非常容易搶味，
一碗好既麻 / 酸辣米線，係食用者吞左一淡之後，
舌頭的中間（即最多脷胎個位）係會有雞湯既鮮味留低，
相反，差既米線就只會食到酸、麻和辣，吞服後只留下淡淡的水味。
道理就好似平時用普通滾水煮個「辣味即食麵」，
相信大家都試過煮完後落味粉和辣粉，係呢個時候唔小心比平時落多左水，
個麵出到黎既味道就會淡如水，但辣味相對唔會太大影響，
因為「辣味」本來就係較為容易搶味覺，即使沖淡左仍然有其存在感，
而呢間米線既味道，就同呢碗「落多左水既即食麵」一樣既食感。
酸、麻、辣，缺「味」，三者各自發揮，完全不能結合。
CCTVB果句野咁，一碗「魚蛋粉」，「魚蛋有魚蛋味，粉有粉味」，
即係失敗。
我唔會話呢間野難食，但話佢係「全宇宙最好食」，
我就吞唔落呢淡氣，
因為呢間只可以算係一間極為普通既米線。
最後我建議「由細食到大」既一班好網友，
近近地去荃灣食下果間叫「唯一雲貴川風味」先，
我唔係話人地好好，只不過用黎同呢間野比較，完全不費吹灰之力。
題外話/補充資料：
呢個係我處男下海既第一個食評，其實較早前已經一早想寫，
就係食過果間係大坑既野，叫「The Pudding Nouveau 」既垃圾，
詳細我唔係到提，不過我會係往後時間補返一個負評俾佢，放心。
(以上食評乃用戶個人意見 , 並不代表OpenRice之觀點。)
張貼
