鍋心粥底火鍋 (德成街)

營業中

休息中

人頭$200一位嘅海鮮粥底火鍋，仲要好食嘅真係好難得！通常去到餐廳，我都會留意吓個地下乾唔乾淨，雖然呢度係食海鮮，但係地下一啲蝦殼蟹殼都冇，衛生方面做得幾好而且疫情問題，通常我都會抹一次啲碗碟再用餐，啲碗碟抹完都係乾淨嘅。由於我哋7:30先嚟到，所以已經冇晒龍蝦餐唔緊要啦食肉蟹餐都好快樂。除咗有蟹，另外仲可以自己揀五款海鮮（唔包括呢隻蟹）我哋揀咗沙白，蝦，魚，鮑魚同一款唔記得咗揀完五款海鮮，仲可以揀八款火鍋配料，當中最有特色嘅就係雞滑食晒五款海鮮+八款火鍋配料，已經好飽，粥底火鍋，我哋仲有個粥未食粥吸收晒海鮮嘅精華，加上仲有蔥花菜甫令到佢嘅鮮味昇華飽實在行唔郁，坐多半個鐘先走。