Kobe Beef Meat Pie (已結業)

平時放工來到永遠都賣唒，今天星期六約了朋友行街未夠鐘走來超市樓層逛一下，終於見到有得賣，趕緊去買來試試看。其實有多種的批，但我選擇了原味牛肉批。$38一個批真心覺得貴，但堅好食！雖然第一口咬下去未食到餡料，但酥皮牛油味濃，已經很好味，新鮮熱辣果然不同，強烈建議大家要即買即食，餡料的神戶牛是免治牛，更有洋蔥及應該是蛋白的餡，調味啱啱好，總之就是好食！食完之後才記得付款時有張「便條」，講解了加熱方法，原來想更美味的話，可以加芥茉或茄汁！但我個人認為，淨食已超好味，更可食到牛肉批的真正原味！