影片
更多
2023-05-02
161 瀏覽
我哩D高達迷，當知道海洋公園攪個50年展覽，必然要去朝聖啦! 又可以做吓龍友影吓相.想當年唔食飯都要慳錢買高達模型同雜誌! 仲要買砌模型工具!女友小熊無跟我一齊去朝聖，同樣佢入去廸廸尼維尼熊朝聖，我都唔會跟住去.朝聖完後，小熊見我身在南區，就約我去哩間蟹點開餐，佢話一早已經想同我嚟蟹點幫襯，最初唔明點解，食完就明哂!一去到餐廳，未入門，已經被個露台位吸引，因為地方超闊落，啱哂我哩D煙民!入到餐廳同樣環境闊落!菜式多到居然要兩本 Menu，而且菜式多到眼花撩亂，有中式小菜有泰式菜有潮州打冷又有海鮮，合心水菜式極多，我同小熊好多小菜都想食，但肥肚腩得兩個! 心大心細左揀右揀諗咗好耐先決定到食咩!嚟到蟹點當然要食蟹啦，點咗份咖哩肉蟹同蒜蓉牛油軟殼蟹，當然要配埋蒜蓉包點咖哩汁食啦，仲有蒜蓉粉絲蒸蟶子皇.居然仲有我大愛沙冰! 二話不說，菠蘿沙冰!首先炸軟殼蟹有齊哂D手手腳腳，唔似得其他餐廳嘅軟殼蟹上枱一舊舊唔知咩嚟，而且份量足夠，外脆內軟，滿意.蒜蓉粉絲蒸蟶子皇夠鮮嫩，係第二道滿意菜式.落單時忘記咗要求多咖哩汁，擔心唔夠汁點蒜蓉包，點知擔心係多餘，咖哩汁多到要打包! 當然咖哩汁係好味先打包啦，有
想當年唔食飯都要慳錢買高達模型同雜誌! 仲要買砌模型工具!
女友小熊無跟我一齊去朝聖，同樣佢入去廸廸尼維尼熊朝聖，我都唔會跟住去.
朝聖完後，小熊見我身在南區，就約我去哩間蟹點開餐，佢話一早已經想同我嚟蟹點幫襯，最初唔明點解，食完就明哂!
一去到餐廳，未入門，已經被個露台位吸引，因為地方超闊落，啱哂我哩D煙民!
入到餐廳同樣環境闊落!
菜式多到居然要兩本 Menu，而且菜式多到眼花撩亂，有中式小菜有泰式菜有潮州打冷又有海鮮，合心水菜式極多，我同小熊好多小菜都想食，但肥肚腩得兩個! 心大心細左揀右揀諗咗好耐先決定到食咩!
嚟到蟹點當然要食蟹啦，點咗份咖哩肉蟹同蒜蓉牛油軟殼蟹，當然要配埋蒜蓉包點咖哩汁食啦，仲有蒜蓉粉絲蒸蟶子皇.
居然仲有我大愛沙冰! 二話不說，菠蘿沙冰!
首先炸軟殼蟹有齊哂D手手腳腳，唔似得其他餐廳嘅軟殼蟹上枱一舊舊唔知咩嚟，而且份量足夠，外脆內軟，滿意.
蒜蓉粉絲蒸蟶子皇夠鮮嫩，係第二道滿意菜式.
落單時忘記咗要求多咖哩汁，擔心唔夠汁點蒜蓉包，點知擔心係多餘，咖哩汁多到要打包! 當然咖哩汁係好味先打包啦，有濃郁咖哩香味之餘又唔辣，夾自己口味，肉蟹足一隻同樣有齊哂手手腳腳，蟹身又大隻，蟹肉豐富又鮮嫩，掂!
溫馨提示 : 食咖哩蟹最好著黑衫褲! 我食蟹時唔小心彈到D蟹殼上件衫，又試過唔小心跌咗隻蟹落條褲，好彩衫褲係黑色唔發覺!
小熊話鬼我，食到咁唔小心點帶我去上流社會呀! 我話我唔要上上流社會，我要去下流社會!
我地坐近餐廳出菜位，見到經常出一D大大份嘅菜式，我地唔知係咩菜，但一大盤一大盤好有台型好吸晴! 又見到佢地出D鐵板菜式，鐵板餐第一關就係鐵板要夠熱，發出咋咋聲，蟹點出D鐵板菜不單只咋咋聲，有兩次見到鐵板菜D煙多到好似火燭，好誇張!
餐廳心思亦不少，別家餐廳菠蘿沙冰都只係果汁加打碎嘅冰，但蟹點又會係沙冰上放幾粒菠蘿，別家生炒骨用罐頭菠蘿片，蟹點用嘅係鮮菠蘿，所以好多枱客都點哩款生炒骨，隔離枱都點咗，我地偷拍咗一張!
食完就深深明白點解小熊話一早想嚟幫襯! 原本以為平平無奇嘅一餐，點知驚喜處處，係今年幫襯過最滿意嘅餐廳，必然會再嚟幫襯!
感恩小熊好介紹!
蒜蓉粉絲蒸蟶子皇
12 瀏覽
0 讚好
0 留言
蒜蓉牛油軟殼蟹
17 瀏覽
0 讚好
0 留言
咖哩炒蟹
22 瀏覽
0 讚好
0 留言
張貼
