20•越南粉

營業中

休息中

今日同媽咪經過崇潔街，咁啱見到新開嘅越南餐廳 ，夏天真係太熱，入到去第一個感覺係冷氣真係透心涼，好少餐廳冷氣開咁大。食物方面嗌咗$68新鮮手切牛柳湯河粉，一上來嚟就係清淡嘅湯，辣椒、香料葉子、薄荷葉倒入去，擠上檸檬汁，越食越有味道，啲生牛柳食得出係好新鮮，河粉都好順滑。另外嗌左佢哋嘅招牌$65河內燒豬肉撈檬，大大碗勁抵食，豬肉、豬頸肉、豬肉丸、有啲香茅整到啱啱味道好足，食落一啲都唔油膩，配合埋佢旁邊嘅薄荷葉同埋酸甜汁汁，好快就食哂。飲品方面媽咪就嗌咗$18越式特色凍青檸茶，飲落去好清新。鍾意試新嘢嘅我就嗌咗$32牛油果沙冰，沙冰好足料，唔會飲到太多冰。