影片
更多
2016-05-18
828 瀏覽
我估唔到竟然有間咁難食嘅樓上cafe仲有咁多「好」評。我一班17個同學，叫左Party set A。我諗唔明點解啲食物質素仲可以差過啲叮叮飯。食物份量少，我諗幾多個去都係得咁少。食完同無食無分別，就連平時細食嘅女仔都係咁覺得唔夠。份量少不在話下；意粉、通粉同飯全部都係攞啲急凍青豆+急凍紅蘿蔔+罐頭粟米同罐頭菇，純粹係加埋啲茄汁撈埋就算鬼數，味道我諗老麥都好佢幾十倍。小食都叫冇咁差，但唔係好。得雞翼同薯角正常少少叫做食得落口。不過啲急凍咖哩角落油炸到攞成疊紙都索唔曬。然後啲餃子又求求其其煎左落啲燒汁同沙律醬就算。飲品呢，完全係啲現成糖漿加水溝出黎，啲味道膠膠。飲落肚就好似飲啲化學物質咁款。成個set用垃圾黎形容都益左佢。最令我反感嘅係啲所謂「高質」服務。十分惡劣！新人都叫nice有禮貌。但一個明顯係做熟嘅waitress，態度差到極點。對客人都可以藐嘴藐舌。一黎到佢就揼啲紙杯紙碟同膠叉，十分「良好」呀啲態度。環保意識仲非常「高」！落order只準叫一group set 或者全部人分開叫dinner set。 但係佢叫啲group set又唔夠全部人食。啲野食上枱嘅速度同時間完全想點就點，
我一班17個同學，叫左Party set A。
我諗唔明點解啲食物質素仲可以差過啲叮叮飯。食物份量少，我諗幾多個去都係得咁少。食完同無食無分別，就連平時細食嘅女仔都係咁覺得唔夠。份量少不在話下；意粉、通粉同飯全部都係攞啲急凍青豆+急凍紅蘿蔔+罐頭粟米同罐頭菇，純粹係加埋啲茄汁撈埋就算鬼數，味道我諗老麥都好佢幾十倍。
小食都叫冇咁差，但唔係好。得雞翼同薯角正常少少叫做食得落口。不過啲急凍咖哩角落油炸到攞成疊紙都索唔曬。然後啲餃子又求求其其煎左落啲燒汁同沙律醬就算。
飲品呢，完全係啲現成糖漿加水溝出黎，啲味道膠膠。飲落肚就好似飲啲化學物質咁款。
成個set用垃圾黎形容都益左佢。
最令我反感嘅係啲所謂「高質」服務。十分惡劣！新人都叫nice有禮貌。
但一個明顯係做熟嘅waitress，態度差到極點。對客人都可以藐嘴藐舌。一黎到佢就揼啲紙杯紙碟同膠叉，十分「良好」呀啲態度。環保意識仲非常「高」！落order只準叫一group set 或者全部人分開叫dinner set。 但係佢叫啲group set又唔夠全部人食。啲野食上枱嘅速度同時間完全想點就點，鐘意就上。由8點鐘到坐低落order，碟雞翼可以delay左成90分鐘先黎。
臨尾想話成班同學影個大合照，問佢幫手影下相。嘩，佢個樣仲黑過黑雨。黑面都算啦，佢影完相黎手就揼低部電話落張梳化到。佢咁樣樣嘅態度係咩料？
我心諗：咁嘅野食都要咁貴，價錢每人$128加一服務費，原來佢咁「好」嘅服務態度都可以收服務費。
我以後都唔會再黎呢間連垃圾都不如嘅cafe
張貼